ەلوردادا وتادان شىققان 49 جاستاعى ازامات ٸش قۇرىلىسىنان دەكە شىققانىن ايتادى. بٸر جىل بويى قىزۋى كٶتەرٸلٸپ, قينالعان قاراعاندى وبلىسى سەتباەۆ تۇرعىنىنىڭ بارماعان اۋرۋحاناسى قالماعان, دەپ حابارلايدى "ۇلت اقپارات".
تالعات ەلۋباەۆتىڭ ايتۋىنشا, وسىدان بٸر جىل بۇرىن جەزقازعان اۋرۋحاناسىنىڭ دەرٸگەرلەرٸ بٷيرەگٸندە تاس بار دەپ وتا جاساعان.
بٸراق بٷيرەككە وتا جاساعاننان كەيٸن ونىڭ جاعدايى ۋشىعىپ كەتەدٸ.
دەرٸگەرلەر وعان ينفەكتسييا تٷسكەن دەپ تاعى وپەراتسييا جاساعان. الايدا اۋرۋ ودان سايىن اسقىنىپ كەتتٸ دەيدٸ.
جانى قينالعان ازامات ەلوردانىڭ بٸرٸنشٸ اۋرۋحاناسىنا تٷسەدٸ. سٶزٸنشە, كەشە وتا جاساۋ كەزٸندە دەرٸگەرلەر ونىڭ ٸشٸنەن دەكە الىپ شىققان.
«ٸشٸندە شٸرٸپ كەتكەن دەيدٸ. سونى الىپ شىقتى», - دەيدٸ ناۋقاس تالعات ەلۋباەۆ.
ونىڭ تۋىسى گٷلميرا ەلۋباەۆا اعاسىن اۋىر حالگە تٷسٸرگەن جەزقازعان دەرٸگەرلەرٸن جازالاۋدى سۇرايدى.
ايتۋىنشا, اق حالاتتىلاردىڭ كەسٸرٸنەن تالعات ەلۋباەۆتىڭ دەنساۋلىعىنا ايتارلىقتاي زاقىم كەلگەن.
«بٸزدٸڭ جەزقازعاننىڭ بىلىعى. دەرٸگەرلەردٸڭ سالعىرتتىعى وسىمەن بٸر ەمەس, ەكٸنشٸ رەت قايتالانىپ وتىر. ولار بٷيرەكتٸڭ ٸشٸن اشقان كەزدە بٷيرەك ساۋ بولىپ شىقتى. ونى قايتا جاپتى. سول جاپقاننان ينفەكتسييا تٷسٸردٸ. ينفەكتسييانىڭ سوڭى وسىلاي ۋشىعىپ تۇر. استاناعا ەڭ سوڭعى ٷمٸتٸمٸمٸزبەن كەلٸپ تۇرمىز, كەشە وسى قالالىق اۋرۋحانادا وپەراتسييا جاسالدى اعاما, ٸشٸنەن دەكە جٸبٸمەن بٸرگە شىقتى. سول ٸرٸڭدەپ كەتكەن. قانشا رەت ۋدز-عا تٷستٸ, نەگە بٸلمەدٸ?»,- دەيدٸ ناۋقاستىڭ تۋىسى گٷلميرا ەلۋباەۆا.
ال جەزقازعان قالالىق ورتالىق اۋرۋحاناسىنان سۇحبات الۋ مٷمكٸن بولمادى.
ال قاراعاندى وبلىسىنىڭ دەنساۋلىق ساقتاۋ باسقارماسى وسى جاعدايعا قاتىستى تەكسەرۋ باستالعانىن جەتكٸزدٸ.
