Elordada otadan shyqqan 49 jastaǵy azamat ish qurylysynan dáke shyqqanyn aitady. Bir jyl boiy qyzýy kóterilip, qinalǵan Qaraǵandy oblysy Sátbaev turǵynynyń barmaǵan aýrýhanasy qalmaǵan, dep habarlaidy "Ult aqparat".
Talǵat Elýbaevtyń aitýynsha, osydan bir jyl buryn Jezqazǵan aýrýhanasynyń dárigerleri búireginde tas bar dep ota jasaǵan.
Biraq búirekke ota jasaǵannan keiin onyń jaǵdaiy ýshyǵyp ketedi.
Dárigerler oǵan infektsiia túsken dep taǵy operatsiia jasaǵan. Alaida aýrý odan saiyn asqynyp ketti deidi.
Jany qinalǵan azamat elordanyń birinshi aýrýhanasyna túsedi. Sózinshe, keshe ota jasaý kezinde dárigerler onyń ishinen dáke alyp shyqqan.
«Ishinde shirip ketken deidi. Sony alyp shyqty», - deidi naýqas Talǵat Elýbaev.
Onyń týysy Gúlmira Elýbaeva aǵasyn aýyr halge túsirgen Jezqazǵan dárigerlerin jazalaýdy suraidy.
Aitýynsha, aq halattylardyń kesirinen Talǵat Elýbaevtyń densaýlyǵyna aitarlyqtai zaqym kelgen.
«Bizdiń Jezqazǵannyń bylyǵy. Dárigerlerdiń salǵyrttyǵy osymen bir emes, ekinshi ret qaitalanyp otyr. Olar búirektiń ishin ashqan kezde búirek saý bolyp shyqty. Ony qaita japty. Sol japqannan infektsiia túsirdi. Infektsiianyń sońy osylai ýshyǵyp tur. Astanaǵa eń sońǵy úmitimimizben kelip turmyz, keshe osy qalalyq aýrýhanada operatsiia jasaldy aǵama, ishinen dáke jibimen birge shyqty. Sol irińdep ketken. Qansha ret ÝDZ-ǵa tústi, nege bilmedi?»,- deidi naýqastyń týysy Gúlmira Elýbaeva.
Al Jezqazǵan qalalyq ortalyq aýrýhanasynan suhbat alý múmkin bolmady.
Al Qaraǵandy oblysynyń densaýlyq saqtaý basqarmasy osy jaǵdaiǵa qatysty tekserý bastalǵanyn jetkizdi.
