الماتى وبلىسىنداعى كەربۇلاق اۋدانىنىڭ ورتالىعى — سارىٶزەكتە تۇرعىندار تۇرمىستىق قالدىقتاردى ارىققا اعىزعان, - دەپ حابارلايدى "ۇلت اقپارات".
ەلەۋمەتتٸك جەلٸگە تارالعان ۆيدەودا ەسكٸ ٷيلەردٸڭ بالكونىنان, قابىرعاسىنان ۇزىن قۇبىرلاردىڭ دالاداعى ارىققا قاراي باعىتتالىپ, جاسالعانىن كٶرۋگە بولادى.
«سارىٶزەك. دەرەتحانا», - دەپ پٸكٸر بٸلدەرەدٸ ۆيدەو اۆتورى.
الماتى وبلىستىق سانيتارييالىق-ەپيدەميولوگييالىق باقىلاۋ دەپارتامەنتٸنٸڭ باسپاسٶز قىزمەتٸ اتالعان جايتقا بايلانىستى تٷسٸنٸكتەمە بەردٸ.
«ينستاگرام جەلٸسٸندە كەربۇلاق اۋدانى, سارىٶزەك اۋىلىنداعى 2 قاباتتى ٷيدەن قۇبىرلار ارقىلى سىرتقا كەرٸز سۋىنىڭ اعىپ جاتقانى تۋرالى ۆيدەو تارادى. شۇعىل تٷردە جەرگٸلٸكتٸ ەكٸمدٸك, اۋداندىق پوليتسييا بٶلٸمٸ, اۋداندىق سانيتارييالىق-ەپيدەميولوگييالىق باسقارما ماماندارىنان كوميسسييا قۇرىلىپ, اتالعان مەن-جايدى تەكسەردٸ. تەكسەرۋ كەزٸندە انىقتالعانداي, جوعارىدا اتالعان 2 قاباتتى ٷيلەر سارىٶزەك اۋىلىنىڭ ەل-فارابي كٶشەسٸندە ورنالاسقان. جەكە مەنشٸك يەلٸگٸندە. تۇرعىندار ەشكٸمنٸڭ كەلٸسٸمٸنسٸز تۇرمىستىق قالدىق سۋلاردى قۇبىر ارقىلى كٶشەدەگٸ ارىققا باعىتتاپ, تٶككەن. كوميسسييا جەرگٸلٸكتٸ تۇرعىندارعا تٷسٸندٸرۋ جۇمىستارىن جٷرگٸزٸپ, اتالعان ٸس-ەرەكەتتٸڭ زاڭسىز ەرٸ قورشاعان ورتاعا ەپيدەميولوگييالىق تۇرعىدان قاۋٸپتٸ ەكەندٸگٸ تٷسٸندٸرٸلدٸ. نەتيجەسٸندە تۇرمىستىق قالدىق سۋلاردى نەگٸزسٸز تٶككەنٸ ٷشٸن اتالعان 2 ٷيدٸڭ تۇرعىنىنا قر ەقب تۋرالى كودەكسٸنٸڭ 505-بابى بويىنشا ەسكەرتۋ بەرٸلٸپ, ترۋبالار الىنىپ تاستالدى», - دەلٸنگەن ۆەدومستۆونىڭ حابارلاماسىندا.
