نۇر-سۇلتان قالاسى ەكٸمٸنٸڭ ورىنباسارى ەرمەك قيزاتوۆ ەلورداداعى مەنشٸك ٷيلەرگە گاز قاشان قوسىلاتىنى تۋرالى ايتتى, دەپ حابارلايدى قازاقپارات.
«ٶزدەرٸڭٸز بٸلەتٸندەي, «سارىارقا» ماگيسترالدىق گاز قۇبىرىنىڭ قۇرىلىسى جىل سوڭىندا اياقتالادى. بٸز قازٸرگٸ تاڭدا قالادا گاز قابىلداۋ مەن تاراتۋ جۇمىسىن ەكٸ باعىتتا جٷرگٸزٸلٸپ جاتىر. بٸرٸنشٸسٸ: گاز تاراتۋ كوممۋنيكاتسييالارىن «جەو-1» مەن «جەو-2»-گە تارتۋ جۇمىسى. گازدىڭ نەگٸزگٸ تۇتىنۋشىلارى وسى ەكٸ ورتالىق بولادى. استاناعا كەلەتٸن گازدىڭ 90 پايىزىن «جەو-1» مەن «جەو-2» تۇتىنادى. ەكٸنشٸ جۇمىس, حالىق ٷشٸن گاز تاراتۋ جەلٸلەرٸنٸڭ قۇرىلىسىن جٷرگٸزۋ. جالپى, جوعارىدا اتالعان جۇمىستىڭ جوبالىق-سمەتالىق قۇجاتى ەزٸرلەندٸ. ول قۇجات مەملەكەتتٸك ساراپتامادا جاتىر», - دەدٸ ەرمەك قيزاتوۆ ەنەرگەتيكا مينيسترلٸگٸندە ٶتكەن وتىرىستان كەيٸن تٸلشٸلەرگە.
ەكٸم ورىنباسارىنىڭ ايتۋىنشا, حالىققا گاز تاراتۋ جەلٸلەرٸنٸڭ قۇرىلىسىن جٷرگٸزەتٸن مەردٸگەرلەر بەكٸتٸلٸپ قويعان. جۋىق ارادا شەشۋشٸ كەلٸسٸمنەن كەيٸن مەردٸگەرلەر جۇمىسقا كٸرٸسٸپ كەتپەك.
«ياعني, كەلەسٸ جىلى حالىق جەتكٸزٸلگەن گازدىڭ قىزىعىن كٶرە باستايدى. ەلورداداعى «جەو-1» مەن «جەو-2»-دە جاڭعىرتۋ جۇمىستارى كەلەسٸ جىلدىڭ ناۋرىز بەن شٸلدە ايلارىندا باستالادى. وسىلايشا, الداعى جىلداەكەۋٸن گازعا اۋىستىرامىز. بۇل – ايتارلىقتاي كٷردەلٸ پروتسەسس», - دەدٸ ول.
سونىمەن قاتار ەرمەك قيزاتوۆ ەلوردادا شەتٸندەگٸ اۋىلدارعا بٸرٸنشٸ گاز بەرٸلەتٸنٸن ناقتى ايتا المايتىنىن ايتتى.
«وسى اۋىلعا, كٶشەگە نەمەسە ٷيگە گاز بٸرٸنشٸ بارادى دەپ تاپ باسىپ ايتا المايمىن. سەبەبٸ, جوسپار بويىنشا گاز تاراتاتىن جەلٸلەردٸ سالىپ جاتىرمىز. ياعني, ەربٸر ادامنىڭ ەسٸك الدىنا دەيٸن گاز ەكەلەمٸز. سودان كەيٸن ەر ٷيمەن جەكە كەلٸسٸمشارت جاسالىپ, ٷي گاز جەلٸسٸنە قوسىلادى. ەندٸگٸ جىلى شٸلدەنٸڭ اياعىنا قاراي مەنشٸك ٷيلەرگە گاز قوسۋعا دايىن بولامىز. تاريفكە ٶزگەرٸس بولۋى مٷمكٸن. قازٸر ەسەپتەلٸپ جاتىر. قىمباتتاۋى دا, ارزانداۋى دا ىقتيمال. گاز بٸزگە قانداي باعامەن كەلسە, باعا سوعان بايلانىستى بولادى», - دەدٸ ەرمەك قيزاتوۆ.
