«قازاقستاندىق اتوم ەلەكتر ستانتسييالارى» جشس باس ديرەكتورى تيمۋر جەنتٸكين شاعىن مودۋلدٸ اتوم رەاكتورلارىنىڭ كەلەشەگٸ تۋرالى پٸكٸر بٸلدٸردٸ, دەپ حابارلايدى قازاقپارات.
«يادرولىق تەحنولوگييا جەتكٸزۋشٸلەردٸڭ اراسىندا ساۋالناما جٷرگٸزگەن بولاتىنبىز. ولار الدىن الا تەحنيكالىق-كوممەرتسييالىق ۇسىنىستارىن بەردٸ. سول ۇسىنىس بويىنشا قارجىلىق-ەكونوميكالىق مودەلدەرٸن دە كٶرسەتتٸ. وسى ارقىلى ۇسىنىلعان جوبالاردى ٸسكە اسىرۋ نۇسقالارى ەسەپتەلدٸ. ياعني, بۇل جوبا ەلەكتر تاريفٸنە قالاي ەسەر ەتەتٸنٸن, شىعىنى قالاي اقتالاتىنىن زەرتتەدٸك. تەحنولوگييا مەن ەكونوميكا بويىنشا الدىن الا جۇمىس جٷرگٸزٸلدٸ. قازٸر سول كەزدەگٸ ٶلشەمدەردٸ قايتا ناقتىلاپ جاتىرمىز. ٶيتكەنٸ بٸز ەسەپ جٷرگٸزگەن كەزدەن بەرٸ 3 جىل ٶتتٸ. بۇل ۋاقىتتىڭ ٸشٸندە تەحنولوگييا العا ۇزاپ كەتتٸ», - دەدٸ ساراپشى.
سونداي-اق, ول كەيبٸر ماماندار قازاقستاننىڭ ەنەرگەتيكا جٷيەسٸنە قولدانۋ قولايلى دەپ جٷرگەن شاعىن مودۋلدٸ اتوم رەاكتورلارىنىڭ كەلەشەگٸ تۋرالى پايىمىن ايتتى.
«ونداي رەاكتورلاردى دا قاراستىرىپ جاتىرمىز. بۇل پاراللەل جوبا دەۋگە بولادى. شارتتى تٷردە «شاعىن مودۋلدٸ رەاكتورلار» دەپ اتايدى. بۇل دا قازاقستاندا ٸسكە اسۋى مٷمكٸن, كەلەشەگٸ بار باعىتتاردىڭ بٸرٸ. ونىڭ دا العاشقى ەسەپ-قيسابىن جاساعانىز. تەحنيكا جاعىنان دا, ەكونوميكا جاعىنان دا كەلەشەگٸ بار ەكەنٸن كٶرسەتٸپ وتىر. بٸراق بۇل كەلەشەكتٸڭ ەنشٸسٸندە. ٶيتكەنٸ دەل قازٸر نارىقتا ونداي دايىن رەاكتورلار جوق. دەگەنمەن بٸرنەشە جوبا ٸسكە سارىلىپ جاتىر. ناقتىلاپ ايتساق, امەريكا قۇراما شتاتتارىندا 2 جوبا ەلدەگٸ يادرولىق كوميسسييانىڭ ماقۇلداۋىنان ٶتٸپ ٷلگەردٸ. ونىڭ بٸرٸ كانادادا, ەندٸ بٸرٸ اقش-تىڭ ٶزٸندە ٸسكە اسىرىلىپ جاتىر. قازٸر ولارمەن دە جۇمىس ٸستەپ جاتىرمىز. بٸز بۇل باعىتتىڭ دا كەلەشەگٸ جاقسى دەپ ەسەپتەيمٸز», - دەدٸ تيمۋر جەنتٸكين.
