ەلەكتر قۋاتى تاريفٸنٸڭ كٶتەرٸلۋٸنە نە سەبەپ بولعانى جٶنٸندە ەنەرگەتيكا جٶنٸندەگٸ ساراپشى, ەكونوميكا عىلىمدارىنىڭ كانديداتى ەلٸشەر قۇربانەليەۆ پٸكٸر بٸلدٸردٸ, دەپ حابارلايدى قازاقپارات.
ايتا كەتەيٸك, ەنەرگەتيكا مينيسترلٸگٸ ەلەكتر ەنەرگيياسىنا ارنالعان تاريفتەردٸ كٶتەرۋ تۋرالى بۇيرىعىنىڭ جوباسىن جارييالادى. قۇجات ناۋرىزدىڭ 26-سىنا دەيٸن تالقىلاۋعا شىعارىپ وتىر. وسىعان وراي ەنەرگەتيكا جٶنٸندەگٸ ساراپشى اتالعان بۇيرىققا قاتىستى تٷسٸندٸرمە بەردٸ.
«ەلەكتر ەنەرگيياسى – بۇل ەلەكتر ٶندٸرەتٸن ستانسالار ساتاتىن جالعىز تاۋار. كەز كەلگەن ٶندٸرۋشٸ ٶنٸمٸن ساتىپ, تٷسكەن كٸرٸس ەسەبٸنەن ٶزٸنٸڭ بارلىق شىعىندارىن جابۋعا تىرىسادى. وعان ٶندٸرٸستٸك شىعىندار, ونىڭ ٸشٸنە جۇمىسشىلاردىڭ جالاقىسى, شىعىندالاتىن ماتەريالدار, وتىن كٸرەدٸ. بۇل ستانسا جۇمىسىنىڭ ودان ارى جالعاسۋىنىڭ نەگٸزٸ سانالادى», - دەدٸ ساراپشى.
ونىڭ اتاپ ٶتۋٸنشە, كەز كەلگەن جابدىقتى جاڭارتۋ, جٶندەۋ جەنە اۋىستىرىپ وتىرۋ قاجەت. ٶيتكەنٸ ەلٸمٸزدٸڭ ەلەكتر ەنەرگەتيكا نىساندارى كەڭەس وداعى زامانىنان قالعان ەرٸ ەسكٸرگەن.
«كەز كەلگەن جابدىقتى جاڭارتىپ, جٶندەپ, اۋىستىرىپ وتىرۋ كەرەك. قاجەتتٸ دەڭگەيگە دەيٸن تاريفتٸڭ كٶتەرٸلمەۋٸ سالدارىنان ستانسالار قاجەتتٸ جٶندەۋ جۇمىستارىن جٷرگٸزە الماي وتىر. ەنەرگەتيكتەر ٷيٸمٸزدە شام سٶنٸپ قالماۋى ٷشٸن ەلەكتر ەنەرگيياسىمەن سەنٸمدٸ ەرٸ ساپالى قامتاماسىز ەتۋگە مٸندەتتٸ. بٸراق, ولار قىزمەتكەرلەرٸنە جالاقى تٶلەۋ, اگەنتتەرگە كەلٸسٸمشارت بويىنشا تٶلەم جاساۋ ٷشٸن قاراجاتىن ٷنەمدەۋگە, باسقا دا جولدارىن ٷنەمٸ ٸزدەۋگە مەجبٷر. ولار جٶندەۋ جۇمىستارىن جٷرگٸزٸپ ٷلگەرمەي جاتىر. سوندىقتان تاريفتٸ كٶتەرۋ ستانسالارعا اتالعان ٸس-شارالاردى اتقارۋ ٷشٸن قاجەت», - دەدٸ ول.
سونىمەن قاتار ول ەلەكتر ەنەرگيياسىنا تاريف كٶتەرٸلگەننەن كەيٸن وسى ايدىڭ ٸشٸندە, نەمەسە وسى جىلدا ەلٸمٸزدٸڭ بارلىق ەلەكتر ەنەرگەتيكاسى جاڭارتىلادى دەۋگە كەلمەيدٸ.
«تٸپتٸ, قاراپايىم تۋربينانىڭ ٶزٸن اۋىسترۋ ٷشٸن ونى جوبالاۋعا بٸرنەشە اي كەتەدٸ. ياعني, جۇمىس ٸستەپ تۇرعان ترۋبينانى جاڭاسىنا اۋىستىرۋعا جارتى جىل مەرزٸم قاجەت بولادى», - دەدٸ ساراپشى.
ساراپشى ەلەكتر ەنەرگيياسى تاريفٸنٸڭ كٶتەرٸلۋٸنەن نە كٷتۋگە بولاتىندىعىنا قاتىستى دا پٸكٸرٸمەن بٶلٸستٸ.
«ەگەر تاريف كٶتەرٸلسە, وندا جۇمىسشىلاردىڭ دا جالاقىسى قازٸرگٸدەن جىلدام ارتا تٷسەدٸ. ەكٸنشٸدەن, قۇرال-جابدىقتاردىڭ توزۋىن تەجەي الامىز. ياعني, قۇرال-جابدىقتار ساپاسى جاقسارا تٷسەدٸ. وسىنىڭ ارقاسىندا جاڭا ستانسالار پايدا بولىپ, تولىقتاي جاڭعىرتىلۋ جٷرگٸزٸلەدٸ دەۋگە كەلمەيدٸ. وعان قاراجات تا جەتپەيدٸ. جاڭا قۇرال-جابدىقتار سالىپ, ەسكٸسٸن اۋىستىرۋ ٷشٸن تاريفتٸ ەكٸ ەسە كٶتەرۋ قاجەت. ال بۇل تۇرعاندار, كەسٸپورىن ٷشٸن ٷلكەن جٷكتەمە. تاريفتٸ بٸرتٸندەپ كٶتەرۋ كەم دەگەندە قازٸرگٸ ۋاقىتتا قولدانىستاعى قۇرال-جادبىقتاردىڭ جاي-كٷيٸنٸڭ ناشارلاۋىن تەجەيتٸندٸگٸ سٶزسٸز», - دەدٸ ەلٸشەر قۇربانەليەۆ.
