بەلگٸلٸ قوعام قايراتكەرٸ مارات باشيموۆ قازاقستاننىڭ تەۋەلسٸزدٸگٸن نىعايتۋ جولىنداعى ەلباسىنىڭ ماڭىزدى رٶلٸ تۋرالى ايتتى, دەپ حابارلايدى قازاقپارات.
«بارلىق حالىقارالىق ساراپشىلار بٸزدٸڭ مەملەكەتتٸڭ دامۋىن ەلمٸزدٸڭ تۇڭعىش پرەزيدەنتٸنٸڭ رٶلٸمەن بايلانىستىرادى», - دەپ توقتالدى م. باشيموۆ قر تۇڭعىش پرەزيدەنتٸ: جاسامپازدىق پەن ٷدەمەلٸ دامۋدىڭ 30 جىلى» اتتى حالىقارالىق دٶڭگەلەك ٷستەل وتىرىسىندا.
وسى ورايدا ول 2010 جىلى ەلوردادا ەقىۇ سامميتٸ ٶتكەنٸن, وندا ۇيىمنىڭ استانا دەكلاراتسيياسى قابىلدانعانىن ەسكە سالدى. بۇل قۇجات حالىقارالىق داۋلاردى بەيبٸت جولمەن شەشۋدٸڭ قادامدارىن قامتىدى. وسىعان بايلانىستى م. باشيموۆ حالىقارالىق قاقتىعىستاردى شەشۋدەگٸ نۇرسۇلتان نازارباەۆتىڭ تاريحي رٶلٸن اتاپ ٶتتٸ.
سونىمەن قاتار ساراپشى ٶزٸنٸڭ م.ۆ. لومونوسوۆ اتىنداعى مەسكەۋ مەملەكەتتٸك ۋنيۆەرسيتەتٸندە بٸلٸم العان جىلدارىن ەسكە الدى.
«بٸرٸنشٸ ماماندىعىمدى تاريح فاكۋلتەتٸندە الدىم. سول كەزدە, ياعني 1989 جىلى بارشا ەلەم نۇرسۇلتان ەبٸشۇلىن بەدەلدٸ باسشى رەتٸندە تانىدى. بٸز سەزدەر سارايىندا نۇرسۇلتان نازارباەۆتى تىڭداۋعا باراتىنبىز», - دەدٸ مارات باشيموۆ.
سونىمەن قاتار ول ەلباسىنىڭ باسشىلىعىمەن قابىلدانعان ەلٸمٸزدٸڭ كونستيتۋتسيياسى ساياسي قادامداردى جٷزەگە اسىرۋ مەن ەلدٸڭ گٷلدەنۋٸنٸڭ نەگٸزٸ بولعانىن اتاپ ٶتتٸ.
.jpeg)