جامبىل وبلىسى ەكٸمدٸگٸندە قازاقستان رەسپۋبليكاسى پارلامەنتٸ مەجٸلٸسٸنٸڭ جەنە مەسليحاتتار دەپۋتاتتارىن سايلاۋ مەسەلەلەرٸ بويىنشا وبلىستىق شتابتىڭ وتىرىسى ٶتتٸ, - دەپ حابارلايدى "ۇلت اقپارات".
كەزدەسۋدە جامبىل وبلىسىنىڭ ەكٸمٸ بەردٸبەك ساپارباەۆ الداعى مەسليحاتتار سايلاۋى العاش رەت پارتييالىق تٸزٸم بويىنشا ٶتكەلٸ وتىرعاندىعىن اتاپ ٶتتٸ.
وبلىستىق اۋماقتىق سايلاۋ كوميسسيياسىنىڭ تٶراعاسى سەرعالي ايداپكەلوۆتٸڭ ايتۋىنشا, بارلىق دەڭگەيدەگٸ مەسليحاتتار ٷشٸن 51 پارتييالىق تٸزٸم انىقتالىپ, وعان 523 كانديدات ەنگەن. ٷمٸتكەرلەردٸڭ جالپى سانىنىڭ 43,8 پايىزىن نەزٸك جاندار مەن 29 جاسقا دەيٸنگٸ جاستار قۇرايدى. س.ايداپكەلوۆ جەكەلەگەن سايلاۋ رەسٸمدەرٸنە, اتاپ ايقاندا ٷمٸتكەرلەردٸ ۇسىنۋ جەنە تٸركەۋ, سايلاۋالدى ٷگٸت-ناسيحات جۇمىستارىنىڭ مەرزٸمٸنە توقتالىپ ٶتتٸ.
«مەسليحاتتارعا كانديداتتاردى ۇسىنۋ 10 جەلتوقسان كٷنٸ ساعات 18:00-دە اياقتالادى. سول كٷنٸ ساعات 18:00-دەن كەيٸن ٷگٸت-ناسيحات ناۋقانى باستالادى, ول 2021 جىلى 9 قاڭتار كٷنٸ ساعات 12-دە اياقتالادى. اۋدانداردا ازاماتتاردىڭ سايلاۋ قۇقىقتارىن, سايلاۋ ناۋقانىنىڭ نەگٸزگٸ كەزەڭدەرٸن تٷسٸندٸرەتٸن, داۋىس بەرۋگە قاتىسۋعا شاقىراتىن بيلبوردتار, باننەرلەر ورناتۋ قاجەت دەپ سانايمىن», — دەپ اتاپ ٶتتٸ ول.
ٶڭٸر باسشىسى اۋدان ەكٸمدەرٸنە تيٸستٸ تاپسىرمانى جٷكتەدٸ. ول بۇل اقپاراتتاردىڭ باسپا بۇقارالىق اقپارات قۇرالادارى بەتتەرٸندە جەنە ينتەرنەت جەلٸلەرٸندە دە جارييالانۋ كەرەكتٸگٸن العا تارتتى. بەردٸبەك ساپارباەۆ اۋدان ەكٸمدەرٸنٸڭ سايلاۋعا دايىندىق جۇمىستارىن سىنعا الدى.
«سايلاۋشىلاردىڭ تٸزٸمٸ تولىعىمەن قالىپتاسپاعان. جەرگٸلٸكتٸ جەرلەردە تٷگەندەۋ جۇمىستارىن جٷرگٸزۋ كەرەك», — دەپ تالاپ ەتتٸ وبلىس ەكٸمٸ.
تاعى بٸر ماڭىزدى مەسەلە – سايلاۋ ۋچاسكەلەرٸنٸڭ ماتەريالدىق-تەحنيكالىق بازاسى. تاراز جەنە بٸرقاتار اۋداندا ۋچاسكەلەردٸڭ بەرٸ بٸردەي ينتەرنەتپەن, بەينەباقىلاۋ كامەرالارىمەن, پاندۋستارمەن قامتىلماعان.
«ەگەر وبلىس ورتالىعىنداعى سايلاۋ ۋچاسكەلەرٸ 100% دايىن بولماسا, وندا اۋداندار تۋرالى نە ايتۋعا بولادى? ٷش جاعداي بويىنشا دا قورداي اۋدانى ارتتا قالىپ وتىر. شۋ جەنە ت.رىسقۇلوۆ اۋداندارىنداعى جاعداي دا كٶڭٸل كٶنشٸتپەيدٸ. بارىنشا قىسقا ۋاقىتتا وسى ولقىلىقتاردىڭ بارلىعىن جويۋ قاجەت جەنە مٷمكٸندٸگٸ شەكتەۋلٸ جامبىلدىقتاردىڭ سايلاۋ قۇقىعىن قامتاماسىز ەتۋگە ەرەكشە نازار اۋدارۋ كەرەك», - دەپ بۇيىردى ايماق باسشىسى.
جامبىل وبلىسى بويىنشا سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ مٸندەتٸن اتقارۋشى نەيليا مۋليكوۆا قازٸر سايلاۋ ۋچاسكەلەرٸنٸڭ سانيتارلىق تالاپتارعا سەيكەستٸگٸ تەكسەرٸلٸپ جاتقاندىعىن ايتتى.
«كارانتين شەكتەۋلەرٸ ازاماتتاردىڭ ەل كونستيتۋتسيياسىندا كەپٸلدەندٸرٸلگەن داۋىس بەرۋ قۇقىعىن جٷزەگە اسىرۋىنا كەدەرگٸ بولماۋى تيٸس. دەگەنمەن سايلاۋشىلار, كوميسسييا مٷشەلەرٸ مەن باقىلاۋشىلار سانيتارلىق نورمالاردى قاتاڭ ساقتاۋى كەرەك. ول ٷشٸن اۋدانداردا قاجەتتٸ جاعدايلار جاسالىنۋى قاجەت», — دەدٸ وبلىس ەكٸمٸ.
سونداي-اق, شتاب مٷشەلەرٸ ەر سايلاۋ ۋچاسكەسٸندە مەديتسينالىق بەكەتتەر اشۋ, ەم الىپ جاتقان ناۋقاستاردىڭ داۋىس بەرۋٸنە قاتىستى مەسەلەلەردٸ تالقىلادى. پوليتسييا دەپارتامەنتٸنٸڭ باستىعى جانات سٷلەيمەنوۆ سايلاۋ كەزٸندە مىڭنان استام پوليتسەي زاڭدىلىق پەن تەرتٸپتٸڭ ساقتالۋىن قامتاماسىز ەتەتٸنٸن جەتكٸزدٸ.
