جامبىل وبلىسىندا تۇراتىن بارلىق ۇلت مەن ەتنوس ٶكٸلدەرٸ ٶڭٸردەگٸ بەيبٸتشٸلٸك پەن كەلٸسٸمدٸ ساقتاۋى تيٸس. بۇل تۋرالى وبلىس ەكٸمٸ بەردٸبەك ساپارباەۆ حالىقپەن ەسەپتٸ كەزدەسۋٸندە ايتتى, دەپ حابارلايدى "ۇلت اقپارات" وبلىس ەكٸمدٸگٸنٸڭ رەسمي سايتىنا سٸلتەمە جاساپ.
«بٸز كٶپ ۇلتتى مەملەكەت ەكەنٸمٸزدٸ ەشقاشان ۇمىتپاۋىمىز كەرەك. قازاقستاننىڭ 30 جىلداعى جەتكەن ەڭ باستى بايلىعى – بٸرلٸك پەن بەيبٸتشٸلٸك. بٸز مۇنى ودان ەرٸ ساقتاپ تۇرۋعا مٸندەتتٸمٸز. وبلىستا 87 ەتنوس ٶكٸلٸ ٶمٸر سٷرەدٸ دەسەك, ولار ەرقاشان ىنتىماق پەن تاتۋلىقتا تٸرشٸلٸك كەشٸپ كەلدٸ. قورداي اۋدانىندا بولعان جاعداي بٸز ٷشٸن ساباق بولۋى تيٸس», - دەپ اتاپ ٶتتٸ ب.ساپارباەۆ.
ايماق باسشىسى وبلىستاعى العاشقى جۇمىس كٷنٸنەن باستاپ قوعامدىق كەڭەسپەن, زييالى قاۋىم ٶكٸلدەرٸمەن, بٸرقاتار اۋىل تۇرعىنىمەن كەزدەسۋ ٶتكٸزٸپ, ازاماتتاردى جەكە قابىلداعانىن, حالىقتى تولعاندىراتىن ٶزەكتٸ مەسەلەلەردەن حاباردار بولعانىن اتاپ ٶتتٸ.
«كەشە مەنەن «زاڭ تالاپتارى ساقتالا ما?» دەپ سۇرادى. ساقتالادى! بٸز قۇقىقتىق مەملەكەتتە ٶمٸر سٷرەمٸز, سوندىقتان ەلٸمٸزدٸڭ زاڭدارىن ورىنداۋعا مٸندەتتٸمٸز», - دەپ اتاپ ٶتتٸ وبلىس باسشىسى.
