اقتٶبە وبلىسىندا 8 مەكتەپ پايدالانۋعا بەرٸلدٸ. بٸلٸم كٷنٸ 16 مىڭنان استام بالا مەكتەپ تابالدىرىعىن العاش رەت اتتادى, دەپ حابارلايدى قازاقپارات تٸلشٸسٸ.
اقتٶبە وبلىسىندا بارلىعى 25 مەكتەپتٸڭ قۇرىلىسى جٷرٸپ, جاڭا وقۋ جىلىندا 8 مەكتەپ پايدالانۋعا بەرٸلدٸ. ونىڭ ٷشەۋٸ وبلىس ورتالىعىندا, ٶزگەسٸ اۋدان, اۋىلدا. مٸرجاقىپ دۋلاتوۆ اتىنداعى ورتا مەكتەپتٸڭ القاشقى قوڭىراۋ سالتاناتىنا قاتىسقان وبلىس ەكٸمٸ بەردٸبەك ساپارباەۆ ەلدٸڭ بولاشاعى بٸلٸمدٸ ۇرپاقتا ەكەنٸن باسا ايتتى.
«ەربٸر حالىقتىڭ بولاشاعى ۇرپاعىنىڭ بٸلٸمٸ, تەربيەسٸ, مەدەنيەتٸنە بايلانىستى. سوندىقتان ەربٸر مەملەكەت ٶز بولاشاعى ٷشٸن بٸلٸمگە ٷلكەن كٶڭٸل بٶلەدٸ. بٸز كومپيۋتەر, ينتەرنەت دەگەندٸ بٸلمەدٸك. ول كەزدە بالالارىمىز شەتەلدٸڭ ەڭ مىقتى جوعارى وقۋ ورىندارىندا بٸلٸم الادى, مەكتەپتەردەگٸ ەدٸستەمەلەر دٷنيەجٷزٸلٸك ستاندارتقا ساي دايىندالادى, ەربٸر ٶڭٸردە مامان تالابىنا ساي زيياتكەرلٸك مەكتەپ اشىلادى, قازاقستاندا ەلەمنٸڭ ٷزدٸك پروفەسسورلارى دەرٸس وقيتىن جوعارى وقۋ ورنى بولادى دەپ ويلامادىق. قازٸر بارلىق مٷمكٸندٸك بار. تەك شارشاماي, جالىقپاي جاقسى بٸلٸم الۋ كەرەك. قازٸر ەر كٷن, ەربٸر ساعات قىمبات. بالالاردىڭ بٸلٸم الۋى اتا-انالارىنا بايلانىستى. ەگەر اتا-انا بالاسىنىڭ, قوعامنىڭ الدىنداعى جاۋاپكەرشٸلٸگٸن تولىق ورىنداسا, بالاسى بٸلٸمدٸ, تەربيەلٸ بولادى. ەكٸنشٸدەن, ۇستازعا بايلانىستى. ۇستاز جان-جاقتى بٸلٸم بەرۋٸ كەرەك. كٸتاپتا جازىلعاندى بالا ٶزٸ وقىپ الادى, ۇستاز ونىڭ ويىن دامىتۋى كەرەك», - دەدٸ ٶڭٸر باسشىسى ب.ساپارباەۆ.
جاڭا مەكتەپتە بٷگٸن «مەن - ەلٸمنٸڭ پاتريوتىمىن», «مەنٸڭ وتانىم - قازاقستان» اتتى تەربيە ساعاتتارى ٶتتٸ. مەكتەپ «نۇرلى جول» باعدارلاماسى اياسىندا سالىندى. قۇرىلىسقا ۇلتتىق قوردان 673 ميلليون تەڭگە بٶلٸنٸپ, يگەرٸلدٸ. مۇندا فيزيكا, حيمييا پەندەرٸنە ارنالعان ارنايى لابوراتورييا بار. سپورت زال مەن مەجٸلٸس زالى دا قاراستىرىلعان.
«قۇرىلىس جۇمىستارى كەزٸندە ساحنا ٶتە ٷلكەن بولدى. جوبا بويىنشا 4 گريمدەۋ بٶلمەسٸ جاسالعان ەكەن. مەكتەپ ٷشٸن ماڭىزدىسى - ساحنا مەن كٶرەرمەن زالى. كەيٸن ٶزگەرتٸپ, كٶرەرمەن زالىنىڭ اۋماعى كەڭەيتٸلدٸ», - دەدٸ بەردٸبەك ساپارباەۆ. بۇعان دەيٸن حابارلاعانىمىزداي, اقتٶبەدە 16 مىڭنان استام بالا 1-سىنىپقا باردى.
