- «ۇلى قابىرعا» قازاقستان-قىتاي بۇرعىلاۋ كومپانيياسى سوڭعى ەكٸ جىلدا جۇمىسشىلارىن ەكٸ ەسە قىسقارتتى. قازٸر 946 ادام تٸزٸمدە بولسا, ونىڭ تەڭ جارتىسى اقىسىز دەمالىسقا شىعارىلعان.
بٷگٸن 2016 جىلدىڭ قورىتىندىسى تىڭدالىپ, ٸرٸ مۇناي كومپانييالارىنىڭ تاپسىرىسىن قابىلداپ, بۇرعىلاۋ جۇمىستارىن جٷرگٸزەتٸن «ۇلى قابىرعا» كومپانيياسى مەن كەسٸپوداق, ەكٸمدٸك ٷشجاقتى مەموراندۋمعا قول قويۋى تيٸس بولاتىن. وبلىس ەكٸمٸ بەردٸبەك ساپارباەۆ ٸس جٷزٸندە ورىندالمايتىن مەموراندۋمعا قول قويۋدان باس تارتىپ, كەلٸسٸمشارتتى ورىندامايتىن مۇناي كومپانيياسىن جابۋدى ۇسىندى, دەپ حابارلايدى «قازاقپارات» تٸلشٸسٸ.
«ۇلى قابىرعا» كومپانييا سوڭعى جىلدارى تەك شىعىنعا باتىپ وتىر. قۇرىلتايشىلاردان دا قايران جوق. ولار سوڭعى جىلى 100 ميلليون دوللار ينۆەستيتسييا قۇيعانىمەن, بەرٸ قارىزدى جابۋعا جۇمسالعان. بٷگٸن كومپانييانىڭ باس ديرەكتورى چجان تسحيۋان جۇمىسشىلار مەن كەسٸپوداق, اقتٶبە وبلىسىنىڭ ەكٸمٸ بەردٸبەك ساپارباەۆتىڭ الدىندا ەسەپ بەردٸ. جىل قورىتىندىسى مەز ەمەس.
«كومپانييادا 946 جۇمىسشى بار. ونىڭ 855-ٸ قازاقستاندىق, 66-ى قىتايلىق جۇمىسشى. قازٸرگٸ ۋاقىتتا 25 ەيەل بالا كٷتٸمٸمەن ٷيلەرٸندە وتىر. ايتا كەتسەم, 2016 جىلى كومپانييا تابىسى 4 ميلليارد 600 ميلليون تەڭگەنٸ قۇرادى. تابىستىڭ 30 پايىزى جالاقى تٶلەۋگە جۇمسالدى. سوندىقتان, قازٸر 393 جۇمىسشى اقىسىز دەمالىسقا جٸبەرٸلگەن», - دەدٸ كومپانييانىڭ باس ديرەكتورى چجان تسحيۋان.
«ۇلى قابىرعا» جشس-ٸ مۇناي باعاسىنىڭ ارزانداپ, نارىقتاعى بۇرعىلاۋ جۇمىستارىنا تاپسىرىس بەرۋشٸلەردٸڭ تٶمەندەۋٸ كەزٸندە جۇمىسشىلارىن قىستارتۋ جولىمەن كومپانييانى ساقتاپ وتىر. وبلىستىق كەسٸپوداق, ەكٸمدٸك پەن كومپانييا اراسىندا ٶتكەن جىلى 10 تالاپتان تۇراتىن مەموراندۋمعا قول قويىلسا, ونىڭ التى تارماعى بويىنشا مٸندەتتەر ورىندالماعان. باستى تالاپ - جۇمىسشىلار سانىن ساقتاپ قالۋ. بۇل تالاپتى ورىنداۋعا كومپانييانىڭ كٷشٸ جەتپەدٸ.
«ٶتكەن جىلى جٸبەرگەن كەمشٸلٸكتەردەن كومپانييا باسشىلىعى نەتيجە شىعارعان جوق. كومپانييا باسشىلىعى تەك اقتٶبەدەن ەمەس, كٶرشٸ اتىراۋ, قىزىلوردا, باتىس قازاقستان, ماڭعىستاۋ ٶڭٸرلەرٸنە بارىپ, جۇمىس تابۋى قاجەت ەدٸ. ەكٸمدٸك تاراپىنان كٶمەك قاجەت بولسا, كەلٸسٸمگە دايىن بولدىق. ٷكٸمەتتە دە وتىرىس بولدى. نارىقتاعى مۇناي باعاسى تۇراقتالعان سوڭ قۇرىلتايشىلار مەن «سنپس-اقتٶبەمۇنايگاز» اق-ى قوسىمشا 23 ميلليون دوللار ينۆەستيتسييا سالىپ, بۇرعىلاۋ جۇمىستارىنا تاپسىرىس بەردٸ. سول ارقىلى جۇمىسشىلاردى قىسقارتۋ توقتاتىلسىن دەپ ايتىلدى. ٶكٸنٸشكە قاراي, جۇمىسشىلاردى قىسقارتۋ توقتاتىلعان جوق. تەك ٶتكەن جىلى جۇمىسشىلار سانى 60 پايىزعا قىسقاردى. مۇنداي قىسقارتۋ اقتٶبەنٸڭ بٸردە-بٸر كەسٸپورنىندا نەمەسە مەكەمەسٸندە بولعان جوق»,- دەدٸ وبلىس ەكٸمٸ بەردٸبەك ساپارباەۆ.
ۇجىمدىق كەلٸسٸمشارت پەن مەموراندۋمدى ورىنداماعان «ۇلى قابىرعا» كومپانيياسىنىڭ كەسٸپوداق ۇيىمى دا سىنعا ٸلٸكتٸ. كەسٸپوداق جۇمىسشىلاردى ساقتاپ قالۋدى ەمەس, تەك قىسقارتۋعا كەلٸسٸم بەرۋدٸ قۇپتاپ كەلگەن.
«جۇمىسشىلاردىڭ قۇقىعىن قورعاۋى تيٸس كەسٸپوداق ۇيىمى ەش ەرەكەت ەپتەي وتىر. جۇمىسشىلاردى قورعاي الماسا كەسٸپوداق نەگە قاجەت? ەگەر وسى جولمەن كەتە بەرسە, كومپانييانى جابۋ كەرەك. بٸزگە پروبلەماسى كٶپ كومپانييانىڭ قاجەتٸ جوق. قالعان 948 ادامدى جۇمىسپەن قامتاماسىز ەتە الامىز دەپ ويلايمىن. تٸپتٸ, قازٸر كٶپتەگەن كەسٸپورىن اشىلىپ جاتىر. بٸزدە «ۇلى قابىرعا» سەرٸكتەستٸگٸنەن باسقا دا جۇمىس بار. قاجەت بولسا, بٸز كومپانييانى جابامىز. زاڭدى تٷردە جاسالادى», - دەدٸ بەردٸبەك ساپارباەۆ.
سونىمەن قاتار, ٶڭٸر باسشىسى ٷشٸنشٸ, تٶرتٸنشٸ دەرەجەلٸ جۇمىسشىلاردى قىتايدان الدىرۋعا تىيىم سالۋدى تاپسىردى. تٸپتٸ, قىسقارتۋ بولعان كەزدە قازاقستاندىق, قىتايلىق جۇمىسشىلار تەڭ دەرەجەدە تٸزٸمگە الىنۋىن تالاپ ەتتٸ.
«قاراپايىم جۇمىسشىلاردى قىسقارتقان كەزدە ٶزدەرٸڭدٸ سول ادامداردىڭ ورنىنا قويۋلارىڭ قاجەت. ولار وتباسىن قالاي اسىرايدى? باسشىلارعا, كەسٸپوداق جەتەكشٸسٸنە جاقسى. جۇمىسى بار, ەڭبەكاقىنى ۋاقىتىلى الىپ وتىر. مۇنىڭ بەرٸ قارجىگەرلەردٸڭ, ەكونوميستەر جۇمىسىنىڭ دۇرىس جٷرگٸزٸلمەگەنٸنەن شىعىپ وتىر. ەگەر تابىس ەكەلمەسە, كومپانييانىڭ باعىتىن ٶزگەرتكەن جٶن. ٶزگە ەلمەن بايلانىس ورناتۋ قاجەت دەپ ۇسىنىس جاساڭىزدار, كٶمەكتەسەمٸز. ال سٸزدەردٸڭ تاراپىڭىزدان مۇنداي ۇسىنىس تٷسكەن ەمەس. تەك جۇمىسشىلاردى قىسقارتۋدى بٸلەسٸڭدەر», - دەدٸ بەردٸبەك ساپارباەۆ.
التىناي ساعىندىقوۆا
