ۆيدەو كادرى
سوتتا سامات ەبٸشكە شارتتى مەرزٸم تاعايىندالعان باپتىڭ ەرەجەلەرٸ تٷسٸندٸرٸلدٸ, - دەپ حابارلايدى «ۇلت اقپارات» Tengrinews.kz -كە سٸلتەمە جاساپ.
2023 جىلعى 20 ناۋرىزدا ۇقك باسشىسىنىڭ بۇرىنعى ورىنباسارى سامات ەبٸش قىلمىستىق كودەكستٸڭ 362-بابى, 4-بٶلٸگٸ ("بيلiكتi نەمەسە لاۋازىمدىق ٶكiلەتتiكتەردٸ اسىرا پايدالانۋ") بويىنشا سوتتالعانى بەلگٸلٸ بولدى. سوت قىلمىستىق كودەكستٸڭ 63-بابى (شارتتى مەرزٸم) نورمالارىنا سٷيەنە وتىرىپ, ونى 8 جىلعا شارتتى تٷردە باس بوستاندىعىنان ايىردى. ەبٸشكە قاتىستى سوت جابىق ەسٸك رەجيمٸندە ٶتٸپ, ٸسكە "قۇپييا" بەلگٸسٸ قويىلعان.
Tengrinews.kz رەداكتسيياسى قىلمىستىق كودەكستٸڭ شارتتى جازانى قاراستىراتىن بابىنىڭ نورمالارىن تٷسٸندٸرۋ ٷشٸن سوتقا جٷگٸندٸ.
"قىلمىستىق كودەكستٸڭ 362-بابى بويىنشا شارتتى مەرزٸم قولدانىلمايتىنى تۋرالى اقپارات قاتە. قىلمىستىق كودەكستٸڭ 11-بابىنا سەيكەس, اۋىر قىلمىستارعا 12 جىلعا دەيٸنگٸ مەرزٸمگە باس بوستاندىعىنان ايىرۋ كٶزدەلگەن قاساقانا ەرەكەتتەر جاتادى, جازاسى كٶرسەتٸلگەن مەرزٸمنەن اساتىن قىلمىستار ەرەكشە اۋىر بولىپ تابىلادى", - دەلٸنگەن استانا سوتىنىڭ رەداكتسيياعا بەرگەن جاۋابىندا.
سوت مەلٸمەتٸنشە, قىلمىستىق كودەكستٸڭ 362-بابى 4-بٶلٸگٸ بويىنشا ەڭ جوعارى جازا 10 جىلعا باس بوستاندىعىنان ايىرۋدى كٶزدەيدٸ, سوندىقتان بۇل قىلمىس اۋىر بولىپ تابىلادى. اۋىر قىلمىستار ٷشٸن قىلمىستىق زاڭ قىلمىستىق كودەكستٸڭ 63-بابىنا سەيكەس شارتتى جازانى قولدانۋعا تىيىم سالمايدى. بۇل نورما اسا اۋىر ساناتتاعى قىلمىستارعا قولدانىلمايدى.
"ول جاساعان قىلمىس سىبايلاس جەمقورلىق ەمەس, ونىڭ ٶز ماقساتىنا نەمەسە ٸس بويىنشا پايدا كٶرگەنٸ تۋرالى ەشقانداي دەلەل جوق. سوندىقتان قر قك-نىڭ 63-بابىن قولدانۋدا شەكتەۋلەر بولعان جوق. سوت شارتتى تٷردە سوتتاۋدى قولدانعان كەزدە جاسالعان قىلمىس ٷشٸن كٸنەنٸ تولىق مويىنداۋ, شىن جٷرەكتەن ٶكٸنۋ, اسىراۋىندا كەمەلەتكە تولماعان بالالاردىڭ بولۋى, سونداي-اق قىلمىستى بٸرٸنشٸ رەت جاساۋ ەسكەرٸلدٸ.
سونىمەن قاتار, ەبٸش قىلمىستىق قۇقىق بۇزۋشىلىقتى اشۋعا بەلسەندٸ ٷلەس قوستى, باسقا ادامدار ەلدەن زاڭسىز شىعارعان اكتيۆتەردٸ انىقتاۋعا جەنە قايتارۋعا بەلسەندٸ قاتىستى", - دەپ مەلٸمدەدٸ سوتتا.
