فوتو: gov.kz
ۇلتتىق قاۋٸپسٸزدٸك كوميتەتٸ تٶراعاسىنىڭ بۇرىنعى بٸرٸنشٸ ورىنباسارى سامات ەبٸشكە قاتىستى ٸستٸڭ قوزعالعانىنا بٸراز بولدى. بۇل تۋرالى باس پروكۋروردىڭ ورىنباسارى ەسەت شىڭداليەۆ مەلٸمدەدٸ, دەپ حابارلايدى Sputnik قازاقستان.
"مەنٸڭ مەلٸمەتٸمشە, سامات ەبٸشتٸڭ ٸسٸ قوزعالعانىنا بٸراز بولدى. بٸراق ناقتى قاشان قوزعالعانىن, داتاسىن قازٸر ايتا المايمىن. زاڭ بويىنشا تەرگەۋ ورگاندارى ٸسكە قاتىستى اقپاراتتى قاشان بەرەتٸنٸن ٶزدەرٸ شەشەدٸ", - دەدٸ شىڭداليەۆ مەجٸلٸس كۋلۋارىندا جۋرناليستەر سۇراعىنا جاۋاپ بەرٸپ.
ونىڭ ايتۋىنشا, ەبٸش "قاڭتار وقيعاسى" كەزٸندە لاۋازىمدىق ٶكٸلەتتٸگٸن اسىرا پايدالاندى دەگەن كٷدٸككە ٸلٸنٸپ وتىر. ەبٸش قازٸر قازاقستاندا, ودان ەشقايدا كەتپەۋ تۋرالى قولحات الىندى.
وسى ورايدا جۋرناليستەر "ەشقايدا كەتپەۋ تۋرالى قولحات" الىنعان كەزدە ارنايى كٷزەت قويىلا ما دەپ سۇرادى.
"ەشقايدا كەتپەۋ تۋرالى قولحات الىنعاندا, ٷيدٸڭ الدىندا (سامات ەبٸشتٸڭ ٷيٸ – رەد.) قاراۋىل تۇرمايدى. ول ٶز ٷيٸندە تۇرادى. تەرگەۋ شاقىرعاندا, ٶزٸ كەلەدٸ. ادۆوكاتتارىمەن كەزدەسە الادى. ارنايى قاراۋىل ٷيقاماق كەزٸندە عانا قولدانىلادى", - دەپ تٷسٸندٸردٸ شىڭداليەۆ.
ايتا كەتەرٸ, سامات ەبٸش – تۇڭعىش پرەزيدەنت نۇرسۇلتان نازارباەۆتىڭ نەمەرە ٸنٸسٸ. 2015 جىلدان باستاپ "قاڭتار وقيعاسىنا" دەيٸن, ياعني 2022 جىلدىڭ قاڭتارىنا دەيٸن ۇلتتىق قاۋٸپسٸزدٸك كوميتەتٸ تٶراعاسىنىڭ بٸرٸنشٸ ورىنباسارى قىزمەتٸن اتقارعان.
ەستەرٸڭٸزگە سالا كەتەيٸك, "قاڭتار وقيعاسىنان" كەيٸن ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى كەرٸم مەسٸموۆ پەن ونىڭ ورىنباسارلارى ۇستالدى. ارتىنشا ولارعا سوت ٷكٸمٸ شىقتى. مەسٸموۆ مٷلكٸ تەركٸلەنٸپ, 18 جىلعا باس بوستاندىعىنان ايىرىلدى. ال مەسٸموۆتٸڭ ورىنباسارى بولعان سامات ەبٸش قىزمەتٸنەن بوساتىلدى, ونىڭ ٷستٸنەن قىلمىستىق ٸس قوزعالعان جوق.
