قازاقستاندىق اكتريسا سامال ەسلياموۆا باستى رٶلدٸ سومداعان «ايكا» فيلمٸ گەرمانييانىڭ كوتتبۋس قالاسىندا ٶتكەن حالىقارالىق كينوفەستيۆالدە گران-پريگە يە بولدى, دەپ حابارلايدى "ۇلت اقپارات".
كونكۋرستا 40 ەلدەن 190 فيلم سىنعا تٷسكەن. گران-پريمەن قاتار «ايكا» قازىلاردىڭ ارنايى جٷلدەسٸن دە قانجىعاعا بايلادى.
ايتا كەتەيٸك, كينوتۋىندىنى رەسەيلٸك رەجيسسەر سەرگەي دۆورتسەۆوي تٷسٸرگەن. ەڭبەك ميگرانتىنىڭ ٶمٸرٸ مەن ونىڭ مەسكەۋدە كٶرگەن قيىنشىلىقتارى تۋرالى فيلمگە جەرگٸلٸكتٸ كٶرەرمەندەر جوعارى باعا بەرگەن. ولاردىڭ ايتۋىنشا, سامال ەسلياموۆانىڭ رٶلدٸ شىنايى, اسقان شەبەرلٸكپەن سومداۋى فيلمنٸڭ ٶزگە بەسەكەلەستەرٸنەن دارالانىپ, وزىق شىعۋىنا سەپ بولعان.
ەستەرٸڭٸزگە سالا كەتەيٸك, سامال ەسلياموۆا كانن فەستيۆالٸندە ٷزدٸك اكتريسا اتانعان ەدٸ.
سەرگەي دۆورتسەۆوي, «ايكا» فيلمٸنٸڭ رەجيسسەرٸ:
– مەن مۇنداي فەستيۆالدەرگە كٶپتەن بەرٸ قاتىسىپ كەلەمٸن. ەڭبەگٸڭنٸڭ باعالانعانى قۋانتادى, ەرينە. فيلمنٸڭ تٷسٸرٸلٸمٸنە دايىندىق باستالعاندا, ويلانباستان سامالدى رٶلگە بەكٸتتٸم. ۇلتى قىرعىز بولماسا دا, قىرعىز تٸلٸن ٷيرەنٸپ, ٶتە جاقسى وينادى.
