جاس اقىن سالتانات مادييارقىزىنىڭ بٸر توپ ٶلەڭٸن وقىرمان نازارىنا ۇسىنامىز. تاعدىردىڭ سىنىنا ۇشىراسا دا, قايىسپاي قولىنا قالام ۇستاپ, ٶمٸرٸن ٶلەڭگە اينالدىرعان اقىن قىزدىڭ شىعارماشىلىعى سٸزدەردٸ بەي-جاي قالدىرمايدى دەگەن ٷمٸتتەمٸز. مارحابات!
بٸر ٷمٸت
بٸر ٷمٸت بار تاڭىمدى جارىق قىلعان,
سول بٸر ٷمٸت سٶنبەيتٸن الىپ نۇردان.
سەبيدٸڭ سەزٸمٸندەي سەنٸمٸمە
فەنيدٸڭ ٶتكٸنشٸسٸن سان ۇقتىرعان.
سەتتەردە كەي سەنٸمدەر سەل كەشەتٸن,
بٸر ٷمٸت بار كٷدٸكپەن بەلدەسەتٸن.
سىندار قاتتى بولسا دا ٶتە, مەيلٸ
سول بٸر ٷمٸت تەك العا جەتەلەيدٸ.
جالعاننىڭ جالعاندىعى جٷدەتسە دە,
بٸر ٷمٸت بار جٷرەكتٸ مەكەن ەتكەن.
تاعدىر كەيدە مۇڭدارىن ٷدەتسە دە,
سول بٸر ٷمٸت سەنٸمدٸ ەسەلەتكەن.
جاي وتىنداي جارق ەتٸپ قالاتۇعىن,
جوق مەن ٷشٸن ودان ٷلكەن بيٸك بەلەس.
جاراتقاننىڭ مەيٸرٸمٸنەن بولاتۇعىن,
سول بٸر ٷمٸت سٶنۋگە تيٸستٸ ەمەس!
جولاۋشىمىز
(...عا)
ٶتپەلٸ عۇمىر - ٶتكەلسٸز ٶزەن.
جٷزٸپ ٶتۋگە تيٸسپٸز!
كەدەرگٸلەردٸڭ الىپ قامالىن بۇزىپ ٶتۋگە تيٸسپٸز.
سەنٸمنٸڭ كٶلٸن لايلاپ الماي, تۇنىق ەتۋگە تيٸسپٸز.
باتپاقتارمەن دە,
سوقپاقتارمەن دە جٷرٸپ ٶتۋگە تيٸسپٸز.
جولاۋشىلارمىز
كەلەمٸز بٸرگە, كٶرەمٸز بٸرگە بارلىعىن.
بٸرٸمٸز ەرتە, بٸرٸمٸز كەشتەۋ
بٶلٸگٸن, ياكي, قالدىعىن.
شاماعا قاراي جٷكتەرٸمٸز بار, مٸندەت قىپ باستا جٷكتەگەن.
جولاۋشىلارمىز
بۇل ۇلى ساپار!
جولىمىز ەلٸ بٸتپەگەن.
بۇل قىزىق ساپار
قيىندىعى بار, جەڭٸلدٸگٸ بار كٶپتەگەن.
توسىن جايلار بار, بٸز ويلاماعان, ويلاي دا الماعان, كٷتپەگەن.
جولدار بار مۇندا تارام دا تارام, جٷرگەن ٸزدەرٸ كەپپەگەن.
بٸزدەردٸڭ ۇلى ارمانىمىز بار, باعىتىمىز بار بەتتەگەن!.
جولاۋشىلارمىز
جولىقتى بٸزگە تٷرلٸ ساپارلاس
ايتساق, ايىپ ەتپەڭدەر.
اۋىردىڭ ٷستٸمەن, جەڭٸلدٸڭ استىمەن ٶتكەندەر,
ۋەدەنٸ ٷيٸپ-تٶگٸپ, سەرتٸنەن تايىپ كەتكەندەر,
سىناققا تٷسسە سٷرٸنە كەتپەي, سابىرىن سەرٸك ەتكەندەر,
ماڭداي تەرٸمەن ەڭبەك ەتٸپ, اسىنا ادال جەتكەندەر,
ولارعا سو-و-نداي ماداق ايتارداي كٶك پەن جەر
ماقتانسٷيگٸش, تەكاپپار, زالىم ٶكتەمدەر.
ٶلٸ بالىقتاي جٷزە الماعان, اعىسپەن بٸرگە كەتكەندەر.
ٶزٸن ٶزٸ دە تاني الماي كەتكەن, ىلعي بەتپەردە كيگەندەر,
عاشىق جاندار
كٷمەنسٸز سەنٸپ, سٷيگەندەر,
ٶزدەرٸ جىعىلىپ جاتىپ, سٷرٸنگەن جانعا كٷلگەندەر.
كەتكەندە ٶكٸنٸپ قالماۋ ٷشٸن, ازىعىن جيناپ جٷرگەندەر,
الاڭسىز جٷرٸپ كٷلگەندەر مەنەن بەرٸنٸڭ
بايانسىزدىعىن بٸلگەندەر.
مۇڭ جەبەسٸمەن جارالاپ كەتكەن, ساعىنىش سٷيگەن مەرگەن كٷز.
ەكپەنٸڭ بەرٸن ۋاقىتتان الىپ, ٶكپەنٸڭ بەرٸن كٶمگەنبٸز.
كٷدٸكتٸ جەڭٸپ, باقىتقا نانىپ, ٷمٸتكە اپپاق ەرگەنبٸز.
ەگٸلٸپ, سەنٸپ,
جەڭٸلٸپ, جەڭٸپ
ٶمٸردە "ٶمٸر" كٶرگەنبٸز...
ازابىن قويشى, كٶرمەگەن كٸمدەر?!
مازاعىنا دا كٶنگەنبٸز.
عاجابىنا دا سەنگەنبٸز!
سىناق دەپ ٷلكەن, قوناقپىز جٷرگەن
قايتۋ ٷشٸن كەلگەنبٸز.
دوسىما
"تەكاپپار" دەپ ايتادى ەكەن بٸرەۋلەر,
ايتا بەرسٸن. بٸلمەيدٸ عوي مەن جايلى.
مەڭ-زەڭ كٷي دە شىعىن سٶزدٸ ٷنەمدەر.
سەزٸنبەگەن شىعار ولار وندايدى.
شاراسىزدىق شىرماۋىندا سٶيلەسەم,
باتىلدىق جوق داۋىستاعى دٸرٸلدە.
مەن قۋانسام, تەك مۇڭايا كٶرمە سەن!
قۋانىشىم ٷشٸن دە بٸر كٷلٸمدە.
سەبەپ تاپپاي جٷرگەندەر بار قۇلاتۋعا,
بٸلسٸن سولار, سٶنبەيدٸ بٸر ٷمٸت تەك!
مەن جىلاسام تىرىسپا جۇباتۋعا,
ٷنسٸز وتىر نەمەسە بۇرىلىپ كەت!
كٷمەنٸڭ بولماس, سٸرە, دوستىعىما?
سەتتەردٸ ايتا الامىن ۇناماعان.
مەن ٶزگەنٸڭ باقىتى, شاتتىعىنا
قىزعانىشسىز, شىنايى قۋانا الام.
كٶرسەتپە ەرەجەمە قارسى قىلىق.
مۇڭايمايمىن, ەگەر سەن كٷلٸمدەسەڭ.
كەدەرگٸگە قاسقايىپ قارسى تۇرىپ,
تاعدىرىما تٸل تيگٸزبەي عۇمىر كەشەم!
سىرتىمنان سٶز ايتپا مٷلدە سەن شىعىپ,
بٸلەسٸڭ عوي, جەك كٶرەمٸن وندايدى!
جٷزٸمە ايت, كٶرٸپ تۇرساڭ كەمشٸلٸك,
ٶزگەلەردەن ەستۋ جەڭٸل بولمايدى.
قايعىڭ بولسا, بٶلٸس! ساعان جەڭٸل بولسىن.
مەن مۇڭاعان سەتتە, بٸراق, كٷلمەيسٸڭ.
دوستىقتىڭ ٸرگەتاسى سەنٸم بولسىن.
سەنٸمنەن بٸر شىقساڭ, قايتا كٸرمەيسٸڭ.
قاجەتتٸلٸك جوق مەندە بەتپەردەگە.
تٶردە ٶلگەن جاندار دا كٶرگە ەنەدٸ.
قالاساڭ, مەن سٷرٸنگەن سەتتەردە دە
سٶگە بەر. تەك, مٷسٸركەي كٶرمە مەنٸ!
بٸزدٸڭ جاققا كەش كەلەدٸ كٷز دەگەن
(...گە)
اۋلامىزدا سان الۋان گٷلدەر بار.
بٸزدٸڭ جاققا كەش كەلەدٸ كٷز دەگەن.
جاز سوڭىندا قيماي ساناپ كٷندەردٸ ەر,
مەنمٸن كٷزدٸ ٸزدەگەن.
جاپىراق شە?
كٷز كەلگەنٸن قالاي ما?
كٷزدٸ كٷتۋ ەدەتٸم بە تەك مەنٸڭ?
كٷتٸپ جٷرگەن مەزگٸلٸمنٸڭ الايدا
اڭعارماي دا قالام كٸرٸپ كەتكەنٸن.
مەن گٷلدەرگە جانىممەنەن جاقىنمىن.
گٷل سەكٸلدٸ كٷزدە ٶلە مە ەندٸ ٷمٸت?!
اۋلاداعى گٷلدٸ قيماي وتىرمىن,
تەرەزەگە تەلمٸرٸپ.
ٶز-ٶزٸمنەن وي ٸشٸندە ٷزدٸگەم,
اق مۇڭىمدى سارى تٷسكە بويايمىن.
ۇناتپايمىن...
جو-جوق, سٷيەم كٷزدٸ مەن!
گٷلدٸ قيماي, جاپىراقتى ايايمىن.
ايتا المايمىن ويىمدى بٸر ادامعا,
كٷز كٶڭٸلدٸ قييامەتكە بۇرادى.
اعاشتان ەر جاپىراق قۇلاعاندا,
جىلاعىم كەپ تۇرادى.
تاعدىرىڭ ٶزگەرمەيدٸ تالاسقاننان,
ەسەبٸڭ بار, ٶتكەننٸڭ حاتىن اقتار.
ٶلٸمدٸ ەسكە سالادى, اعاشتاردان
سارعايىپ, جەرگە تٷسكەن جاپىراقتار.
قينايتىنداي قيماستىقتىڭ ەلەگٸ,
تامشى ٸزدەپ تٷگەسٸلگەن تٶزٸمنەن.
سۇلۋ ەمەس دەمە كٷزدٸ
ەدەمٸ!
كٶرشٸ مەنٸڭ كٶزٸممەن!
جاۋاپ
...جانارىمدا جىلتىراپ, كٷمٸس مۇڭىم سىرعاناپ...
تٸلسٸز مۇڭىن گٷلدەردٸڭ تەك تٷن عانا تىڭداماق.
نەگە دەگەن بٸر سۇراق قالىپ قويدى كٶكەيدە,
ويلارىما وي قوسىپ, مۇڭدارىما مۇڭ جاماپ.
كٸنە بولسىن كەشپەيتٸن, جىلۋ بولسىن ٶشپەيتٸن,
كٶڭٸل, شٸركٸن, سوندا دا تەك بيٸكتٸ كٶكسەيتٸن...
ٷنسٸزدٸكتەن ەڭ وڭاي جاۋابىم جوق بەرەتٸن,
ٷنسٸزدٸكتەن ەڭ اۋىر جاۋاپ تا جوق ەستيتٸن.
ناز
(...عا)
مۇڭعا ورانىپ وتىرماشى تٷنەرٸپ.
كٷرسٸنبەشٸ, كٷرسٸنٸسٸڭدە كٷن ٶلٸپ.
سەنٸ سٷيگەن مۇڭ مەنٸ دە مازالاپ
ەكەۋٸمٸز دە جٷدەدٸك.
كٸربٸڭ شالعان كٶڭٸلدەگٸ مۇڭدى اقتارىپ,
قوس جانارىڭ سەندەگٸ بار سىردى اقتارىپ,
كٷرسٸنەسٸڭ...
سەزبەيسٸڭ سول سەتتەردە
كەتەتٸنٸن جانىمنىڭ ۇنتاقتالىپ.
بٸلەم, جاساندىلىقتى جەك كٶرەسٸڭ.
جۇباتارمىن, مەيلٸ ٶزگەلەر ٶكپەلەتسٸن.
بار مۇڭىڭدى ۇمىت تا, جىمييا سال
كٶڭٸلٸم كٶككە جەتسٸن.
قازٸر كٷز. العاشقى ايى. بۇل اي باسى.
جاز كٶڭٸلدٸ كٷيرەتٸپ مۇڭايماشى.
سەن مۇڭايساڭ ەرٸكسٸز ٶرت قۇشامىن.
مەنٸ دە بٸر ويلاشى!
...بٸر ويلاشى...
بٸلەسٸز بە?
ٷمٸتتٸ ىلعي كٷدٸكتٸڭ كٷزەتەرٸن,
كەي ٶكٸنٸش ٶرت ەمەس, مۇز ەكەنٸن
بٸلەسٸز بە, ەلەسٸ قىمبات سەتتٸڭ
كٶزدەگٸ كادرلاردان جٷز ٶتەرٸن?
بٸر ٷمٸت مىڭ تٸلەكتٸ قۇرايتىنىن,
بارلىعى ٶز قالاۋىن سۇرايتىنىن,
بٸلەسٸز بە, شوق قارىپ شاراسىزدىق
تامشى بولىپ جاناردان قۇلايتىنىن?
باقىتتى ادامدار دا جىلايتىنىن,
جىلاپ جٷرٸپ, سىندارعا شىدايتىنىن
بٸلەسٸز بە? مەن ٶزٸ كەشتەۋ بٸلدٸم
بٸر جاننىڭ ۇنايتىنىن...
بٸلەمٸن, ونىڭ جارىق كٷن ەكەنٸن!
سەزەمٸن, جٷرەگٸنٸڭ جىلى ەكەنٸن.
سوندا دا بٸردەي كٶرەم مۇڭ ەكەۋٸن
سول جاننىڭ, بٸلەسٸز بە, كٸم ەكەنٸن?
***
سەنٸ ٶزگەرٸپ كەتتٸ دەدٸ, سەنبەدٸم.
جان ٶزگەرتپەس سەنٸمٸم ەڭ سەن مەنٸڭ.
سەن تۋرالى بوس سٶزٸنە ٶزگەنٸڭ
سەنەر بولسام -
سەنٸ تٸرٸ كٶمگەنٸم!
شىن سەزٸمدەر بولمايدى دەپ بٶگەتسٸز,
كەي كەزدەرٸ كەتسەڭ داعى دەرەكسٸز,
گٷل ۇسىنعان جٷرەكتەردٸ ەلەمەي,
مۇڭ ۇسىنعان سەنٸ سٷيدٸم سەبەپسٸز!
تۇمان ٸشٸ قانشا ٷمٸتتەر كٶز ٸلدٸ.
سول شاقتاردى قايتارساڭ عوي, قايتارسام.
سەن كٶزٸمنەن وقىپ جٷرگەن سەزٸمدٸ,
مەن سٶزٸممەن ايتار ەدٸم, ايتا السام.
جول بٶلٸندٸ. كٸمگە كٸنە تاعامىز?
ەرٸ قاراي قايدا, قالاي بارامىز?
سەنسٸرەسەم - سەن جانىمداي جاقىنسىڭ.
سٸز دەپ كەتسەم, الشاقتاۋى ارامىز.
سەن سور بولساڭ, مەن باقىتتان باز كەشەم!
تەك سەن جايلى جىر جازامىن جاز دەسەڭ.
بٸرەۋ ساعان ۇقساپ كەتسە, ۇنايدى
سەن ەشكٸمگە ۇقساماشى, ٶزگەشەم!
***
توقتاۋسىز سىرعىعان ساعاتتىڭ تٸلٸندەي,
تىم جىلدام جىلجىعان ۋاقىت-اي, بٸلٸنبەي.
اي-جىلدار كٶزدەگٸ كادرلار اينالعان.
ويمەنەن كٷن ٶتكەن كەشە دە بٷگٸندەي.
كەشە دە كٷن ٶتكەن, اي ٶتكەن, جىل ٶتكەن.
جالعاندىق جاۋراتقان ويلاردى مۇڭ ٶپكەن.
سەزٸممەن كٷتكەندە سەكۋندتار باياۋلاپ,
جانارلار تٶزٸمنٸڭ تامشىسىن تٷلەتكەن.
جالعىز اي جۇلدىزدار جەتەكتەپ تٷن كەلگەن.
جان كەيدە جىلايدى, جانارلار كٷلگەنمەن.
بٸلٸمٸڭ امالدا كٶرٸنٸس تاپپاسا,
قايىر جوق - دەۋشٸ ەدٸ بٸر دوسىم, بٸلگەننەن.
تٷن تٷگەل تاۋسىلسا, تاعى دا تاڭ اتپاق.
قۇس بٸتكەن سايرايدى-اۋ, قۇدايدى ماداقتاپ.
سەزٸمگە ەرەم دە, سەندەلەم وي ٸشٸ
كٶزٸمدە تٷسسٸز مۇڭ, قييالدا قالا اپپاق..
سٶندٸرمەي ٶتسەم دەپ, سەنٸمنٸڭ شىراعىن.
كٷدٸكتٸ كٷزەتٸپ, ٷمٸتپەن تۇرامىن.
ٶزگەدەن قاتە ٸزدەۋ - بولمىستا جات ماعان.
كٸنەلٸ قاشاندا ٶزٸم بوپ شىعامىن...
كٸنەلٸ ٶزٸم دەپ مۇڭايىپ, جايقالماي
ۋاقىت تا ٶتەدٸ, كەتەدٸ بايقالماي.
وي ٸشٸندە وتىرمىن, ويلار تەك ول جايلى.
اي ٷستٸندە وتىرمىن, "كەشٸر" دەپ ايتا الماي...
سەنٸ ٸزدەدٸم
تولاسسىز وي تىنشىمدى العان تٷندەردەن,
تەتتٸ قييال تەربەپ ٶتكەن تاڭداردان,
سۇلۋلىققا ىنتىق ەتكەن گٷلدەردەن,
شەكسٸزدٸككە تەڭەۋ بولعان زاڭعاردان,
جٷرەگٸمدٸ نىسانا ەتسە مۇڭ مەرگەن,
مۇڭلىقسىڭ دەپ,
شىندىقپىن دەپ سان جالعان
جاۋراتقاندا
بۇ دٷنيە تٷرلەنگەن
ەلدەكٸمگە سەتتەرٸمدە الدانعان,
ەۋەنٸنە بۇلت بيلەگەن بيٸكتەن,
بالا ارمانىم مەكەن ەتكەن تاۋلاردان,
سان وت كەشٸپ, شالا كٷيگەن كٷيٸكتەن,
جان سارايدىڭ ٸشٸندەگٸ باۋلاردان,
قۇلازۋدان,
قوبالجۋدان,
ەتتەڭنەن,
ويانۋ, تاڭدانۋ مەن كٶز ٸلۋدەن,
جىر جازۋدان,
سٶزگە سيماس سەتتەردەن,
بارىڭدى بارىممەنەن سەزٸنۋدەن,
تەربەلٸستەن,
تىلسىمنان,
تارتىلىستان,
قاجەتتٸلٸك, ۇسىنىس, سۇرانىستان,
بويداعى ٷرەي مەنەن قورقىنىشتان,
عاجايىپتان,
عايىپتان,
قۋانىشتان,
تٷڭٸلۋدەن,
جىعىلۋ, سٷرٸنۋدەن,
قايتا تۇرىپ جٷگٸرۋدەن,
ارماننان,
سىرتىنا, ٸشٸنە دە ٷڭٸلۋدەن,
جىلتىرى مەن جىرتىعى كٶپ جالعاننان,
ساناۋلى سەت سٷرەتٸن شاتتىعىمنان,
ەرتە ەسەيگەن سەبيلٸك سۇراقتاردان,
جٷرەگٸمە قۇيىلعان تەتتٸ مۇڭنان,
سەتتەرٸمنەن سەبەپسٸز جىلاپ قالعان,
ٶكٸنٸشتەن,
سٷيسٸنۋدەن,
مەيٸردەن,
اقىل-ويدىڭ قييالي سان ٶڭٸنەن,
پەندەلٸكتەن پەردە تٸككەن پەيٸلدەن,
جٷرەكتٸنٸڭ رۋحاني ەلەمٸنەن,
سۋرەتتەردەن سانالاردا كەي ٸلگەن
جاقسى ويلاردىڭ جادتاعى دەنەگٸنەن,
كەزدەردەن دە ويدان كٷمەن سەيٸلگەن,
ەركە جەلدٸڭ سالقىنداۋ سەلەمٸنەن,
تولقىنداردان,
جاسىنداي جارقىلداردان,
قاراپايىم قارا جەر توپىراقتان,
جانىڭا ازىق بولماس التىنداردان,
كٷزدٸگٷن جٷز جىلاعان جاپىراقتان,
عاشىقتىقتان
عاسىرلىق عازالى بار,
ساعىنىشتان,
كٷتۋدەن,
بٷكٸل سەرتتەن,
دەرٸگەر ۋاقىتتان دا جازارى بار,
كەي كەۋدەدە بولاتىن تٷتٸندٸ ٶرتتەن,
ساناعا سٸڭٸپ قالعان سەنٸمدەردەن,
سەزٸمدەردەن اقىلدى باسقاراتىن,
جارىسۋدان,
جەڭۋدەن,
جەڭٸلگەننەن,
قيماستىقتان جاناردا جاس قالاتىن,
ۇياتتان,
ٷمٸتتەردەن,
كٷدٸكتەردەن,
جولدارىمنان, ٸزدەردەن جٷرٸپ كەلگەن,
جەڭٸلدٸكتەن,
قيىندىقتان كٷلٸپ جەڭگەن,
عۇمىردا جيىرما جىل سٷرٸپ كەلگەن
سەنٸ ٸزدەدٸم, سٷيٸكتٸم!
كٶرگٸم كەلمەيدٸ
ٶز تٸلٸندە سٶيلەي الماس بالاسى,
مانساپ قۋعان ادام كٶرگٸم كەلمەيدٸ.
قۇلدىقتان بٸر ارىلمايتىن ساناسى,
مەڭگٷرتتەنەر قوعام كٶرگٸم كەلمەيدٸ.
بولسا داعى كٶپ عيمارات سالىنعان,
مەيٸرٸمسٸز قالا كٶرگٸم كەلمەيدٸ.
بٸر كٶرە الماي, ٶمٸر بويى ساعىنعان
اتا-اناسىز بالا كٶرگٸم كەلمەيدٸ.
سان كٷنەعا سەبەپشٸ بوپ قالاتىن,
ارسىز تولى كٶشە كٶرگٸم كەلمەيدٸ.
ٶز پەرزەنتٸن تاستاپ كەتە الاتىن,
ەكە مەنەن شەشە كٶرگٸم كەلمەيدٸ.
قارتتار ٷيٸندە ٷمٸتكە ەرٸپ كەتە الماي,
ۇيقىسىز كٷتكەن تاڭدى كٶرگٸم كەلمەيدٸ.
اتا-انانىڭ قادٸرٸنە جەتە الماي,
قابٸرٸن قۇشقان جاندى كٶرگٸم كەلمەيدٸ.
بابالاردان بٸزگە دەيٸن جالعاسقان,
سالتىن بٸلمەس ۇلان كٶرگٸم كەلمەيدٸ.
وقىلمايتىن, تٶردە تۇرىپ شاڭ باسقان
بەتٸ اشىلماس قۇران كٶرگٸم كەلمەيدٸ.
كٶڭٸلٸڭدٸ تەك بٸر سەتكە الدايتىن,
ٷزٸپ, سىيلار گٷل دە كٶرگٸم كەلمەيدٸ.
بالامەنەن بٸرگە كٶرە المايتىن,
كٶك جەشٸكتٸ مٷلدە كٶرگٸم كەلمەيدٸ.
جىلۋى جوق, جالعانى كٶپ سٶزٸنەن,
جولداس بولماس دوستى كٶرگٸم كەلمەيدٸ.
بەرٸنەن دە بٶبەكتەردٸڭ كٶزٸنەن,
تاستى ەرٸتەر جاستى كٶرگٸم كەلمەيدٸ.
ۇلت پورتالى
