الماتى قالاسىنىڭ №2 قالالىق پەريناتالدىق ورتالىعىنىڭ دەرٸگەرلەرٸ سالماعى 740 گرامم بولىپ تۋعان سەبيدٸڭ ٶمٸرٸ ٷشٸن 80 كٷن بويى كٷرەستٸ, دەپ حابارلايدى ult.kz.
سەبي شۇعىل كەسار تٸلٸگٸ ارقىلى دٷنيەگە كەلگەن. جٷكتٸلٸك پلاتسەنتانىڭ اجىراۋى جەنە قان كەتۋمەن اسقىنعان. جٷكتٸلٸكتٸڭ نەبەرٸ 26 اپتاسىندا ەر گرامم مەن ەربٸر تىنىستىڭ ماڭىزى زور بولدى.
ٶمٸرٸنٸڭ العاشقى مينۋتتارىنان باستاپ جاڭا تۋعان نەرەستەگە قارقىندى مەديتسينالىق كٶمەك قاجەت بولدى.
«سەبي 40 كٷن بويى ٶكپەنٸ جاساندى جەلدەتۋ اپپاراتىندا بولدى. ودان كەيٸن تاعى ەكٸ اپتاعا جۋىق ۋاقىت بويى مۇرىن ارقىلى سيپاپ ەدٸسٸمەن تىنىس الۋ قولداۋىن الدى», دەيدٸ الماتى قالاسى №2 قالالىق پەريناتالدىق ورتالىعىنىڭ ديرەكتورى سۆەتلانا راحيموۆا.
جالپى العاندا, كٸشكەنتاي پاتسيەنت جاڭا تۋعان نەرەستەلەردٸ رەانيماتسييالاۋ جەنە قارقىندى تەراپييا بٶلٸمٸندە 56 كٷن جاتتى.
مۇنداي بالالار ٷشٸن ٶزدٸگٸنەن تىنىس الۋعا كٶشۋ, جاعدايىنىڭ تۇراقتانۋى جەنە ٷيگە شىعۋ – ناعىز كٷرەس. ەر كٷننٸڭ ارتىندا تەۋلٸك بويى باقىلاۋ, نەرەستەلەردٸ كٷتٸپ-باپتاۋدىڭ زاماناۋي ەدٸستەرٸ جەنە دەرٸگەرلەر مەن مەديتسينا قىزمەتكەرلەرٸنٸڭ وراسان زور ەڭبەگٸ تۇر.
بالانىڭ جاعدايى جاقسارعاننان كەيٸن ول رەانيماتسييا بٶلٸمٸنەن ەرٸ قاراي كٷتٸم جاساۋ جەنە وڭالتۋ ٷشٸن تيٸستٸ بٶلٸمشەگە اۋىستىرىلدى.
سودان كەيٸن كٶپتەن كٷتكەن كٷن دە جەتتٸ. ٶمٸرٸنٸڭ 80-تەۋلٸگٸندە سەبي ٷيٸنە شىعارىلدى. سالماعى نەبەرٸ 740 گرامم بولعان كٸشكەنتاي سەبي ٶمٸرٸنٸڭ العاشقى ەڭ كٷردەلٸ كەزەڭدەرٸنٸڭ بٸرٸنەن ٶتٸپ, ناعىز كٸشكەنتاي جەڭٸمپازعا اينالدى.
بٷگٸندە قازاقستان جاڭا تۋعان نەرەستەلەرگە مەديتسينالىق كٶمەك كٶرسەتۋ بويىنشا ورتالىق ازييادا جەتەكشٸ ورىنداردىڭ بٸرٸن يەلەنەدٸ.
دٷنيەجٷزٸلٸك بانك, ددۇ, يۋنيسەف, بۇۇ جەنە IGME بٸرلەسكەن ەسەبٸنٸڭ دەرەكتەرٸنە سەيكەس, 2025 جىلى ەلٸمٸزدەگٸ نەوناتالدىق ٶلٸم دەڭگەيٸ (ٶمٸرٸنٸڭ العاشقى 28 كٷنٸندەگٸ ٶلٸم) 1000 جاڭا تۋعان نەرەستەگە شاققاندا 3,04 جاعدايدى قۇرادى. بۇل – ٶڭٸردەگٸ ەڭ ٷزدٸك كٶرسەتكٸش جەنە اقش كٶرسەتكٸشٸنە جۋىق.
زاماناۋي پەريناتالدىق تەحنولوگييالار مەن مەديتسينا قىزمەتكەرلەرٸنٸڭ كەسٸبي شەبەرلٸگٸنٸڭ ارقاسىندا سوڭعى جىلدارى شالا تۋعان نەرەستەلەردٸڭ ٶمٸر سٷرۋ كٶرسەتكٸشٸ تٶرت ەسەگە ارتتى.
