سالقىن نە بولماسا سۋىق سۋعا ۇزاق ۋاقىت شومىلۋ پايداسىز ەرٸ دەنساۋلىققا قاۋٸپتٸ. بۇل تۋرالى قر ٸٸم تٶتەنشە جاعدايلار كوميتەتٸنٸڭ تٶراعاسى ۆلاديمير بەككەر ايتتى, دەپ حابارلايدى "ۇلت اقپارات".
«شومىلۋعا قاتىستى بٸرقاتار كەڭەس بەرگٸم كەلەدٸ. سالقىن نە بولماسا سۋىق سۋعا ۇزاق ۋاقىت شومىلۋدىڭ ەش پايداسى جوقتىعىمەن قاتار دەنساۋلىققا قاۋٸپ تٶندٸرەدٸ. بٸز سۋدىڭ تەمپەراتۋراسىنا بايلانىستى سۋعا شومىلۋ رەجيمٸن ۇستانۋعا كەڭەس بەرەمٸز. سۋ تەمپەراتۋراسى +18 گرادۋس بولعاندا - 6-8 مينۋت, +20 گرادۋستا - 10-12 مينۋت, +20 گرادۋستان جوعارى بولعاندا - 15 مينۋتقا دەيٸن عانا شومىلۋ كەرەك», - دەدٸ كوميتەت باسشىسى.
جىل باسىنان بەرٸ ورىن العان قايعىلى جايتتارعا توقتالعان ۆلاديمير بەككەردٸڭ دەرەگٸنشە, وسى ۋاقىتقا دەيٸن 62 ادامنىڭ, ونىڭ ٸشٸندە 22 بالانىڭ اجالى سۋدان بولىپ وتىر. ونىڭ ٸشٸندە 24 ادام - بالىق اۋلاۋ كەزٸندە, 13 ادام - قاتتى اعىسقا, يٸرٸلمگە تاپ بولىپ نەمەسە اياعى تارتىلىپ باتىپ كەتكەن. 10 بالا سۋعا قۇلاپ جانتەسٸلٸم ەتسە, ٸشٸمدٸك ٸشكەن 9 ادامنىڭ اجالى سۋدان بولدى.
«ٶكٸنٸشكە قاراي, ەلٸمٸزدە سۋعا كەتۋ دەرەگٸ جوعارى بولىپ تۇر. ەرەسەكتەردٸڭ كٸشكەنتاي بالالاردى قاراۋسىز قالدىراتىنى الاڭداتادى. سونىڭ كەسٸرٸنەن بالالار ارىققا, ارناعا, سۋ قويمالارىنا قۇلاپ كەتٸپ مەرت بولادى. ٶتكەن تەۋلٸكتٸڭ ٶزٸنە 14 ادام سۋعا كەتسە, سونىڭ التاۋى - بالالار», - دەدٸ ۆ.بەككەر.
