اقتٶبە مەن الماتىداعى لاڭكەستٸك وقيعالاردان كەيٸن قازاقستاندا يسلامنىڭ ٸشٸندەگٸ سالافيزم باعىتىنا تىيىم سالۋ مەسەلەسٸ كٶتەرٸلٸپ وتىر. ال, تىيىم تەك سوتتىڭ شەشٸمٸ شىققان جاعدايدا عانا سالىنادى.
Informburo.kz پورتالى حابارلاعانداي, قر دٸن ٸستەرٸ جقنٸندەگٸ كوميتەت بٷگٸندە سالافيزم اعىمىنىڭ بولاشاعىن تالقىلاپ جاتقان كٶرٸنەدٸ. دٸني اعىمدارعا تىيىم سالۋ تۋرالى ۇسىنىستى جاسايتىن دا وسى ۆەدومستۆو.
«ساراپشىلار اراسىندا قازاقستاندا سالافيزمگە تىيىم سالۋ مەسەلەسٸ بٸرٸنشٸ جىل تالقىلانىپ جاتقان جوق. بيىل سالافيزمگە قارسى تاراپتىڭ ارگۋمەنتتەرٸ كٶپ. اقتٶبە مەن الماتىداعى لاڭكەستٸك وقيعالاردىڭ ارتىندا وسى سالافيزم باعىتىن ۇستانۋشىلاردىڭ تۇرعانى بەلگٸلٸ بولىپ وتىر. قازٸرگٸ تاڭدا قۇزىرلى مەملەكەتتٸك ورگاندارمەن بٸرٸگٸپ, ورىن العان جايتتاردىڭ دەرەكتەرٸن زەرتتەپ جاتىرمىز. جان-جاقتى زەرتتەۋلەر جٷرگٸزٸپ بولعان سوڭ تيٸستٸ شەشٸم دە قابىلدايتىن بولامىز», — دەلٸنگەن كوميتەت ٶكٸلدەرٸنٸڭ جاۋابىندا.
ولاردىڭ ايتۋىنشا, مەملەكەت سالافيلەردٸڭ ەرەكەتٸنە بارىنشا قاتاڭ شارالار قولداناتىن بولادى.
«بٷگٸندە قازاقستاندا تىيىم سالىنعان اعىمداردىڭ قاتارىندا «حيزب-ۋت تاحرير», «تابليعي-جاماعات», «ات-تاكفير ۋەل-حيدجرا» سىندى دٸني ۇيىمدار بار. بۇلاردىڭ سوڭعىسى سالافيزم يدەولوگيياسى نەگٸزٸندە قۇرىلعان. سوت شەشٸمٸمەن ەندٸ بۇل تٸزٸم تاعى تولىعۋى مٷمكٸن. تىيىم سالۋ وڭاي شارۋا ەمەس, ەسٸرەسە, ٷلكەن بٸر دٸني اعىم تۋرالى سٶز بولىپ وتىرعان سەتتە. ول ٷشٸن ناقتى دەلەلدەر كەرەك. قازٸر بۇل مەسەلەمەن تيٸستٸ ورگاندار اينالىسىپ جاتىر», — دەيدٸ دٸن ٸستەرٸ كوميتەتٸندەگٸلەر.
ايتا كەتەيٸك, قازاقستاندا سالافيزم اعىمىنا تىيىم سالۋ مەسەلەسٸ اقتٶبەدەگٸ لاڭكەستٸك وقيعادان كەيٸن قىزۋ تالقىلانىپ جاتىر. 7 ادامنىڭ ٶمٸرٸن جۇتقان تەراكتٸنٸڭ ارتىندا سالافيلەردٸڭ تۇرعانىن مەملەكەت باسشىسى ن.نازارباەۆتٸڭ ٶزٸ دە ايتتى. الايدا, ەلباسىنىڭ بۇل سٶزٸمەن كەلٸسپەگەن مەجٸلٸس دەپۋتاتى ومارحان ٶكسٸكباەۆ سالافيلەردەن كەلەتٸن قاۋٸپتٸڭ جوق ەكەنٸن ايتىپ سۇحبات بەردٸ. تٸپتٸ, قر سىرتقى ٸستەر مينيسترٸ ەرلان ىدىرىسوۆ تا ساۋدييالىق ەرٸپتەستەرٸمٸزدٸ رەنجٸتٸپ الماۋ ٷشٸن سالافيزمگە تىيىم سالۋعا بولمايتىنىن مەڭزەگەن.
