رف تجم قىزمەتكەرلەرٸ نايبا ٶزەنٸندە بٶلٸنگەن مۇز ٷستٸندە قالعان 44 بالىقشىنى قۇتقاردى. بۇل تۋرالى رف تجم باسپاسٶز قىزمەتٸ مەلٸم ەتتٸ, دەپ حابارلايدى تاسس اگەنتتٸگٸ.
«ساحاليننٸڭ وڭتٷستٸك-شىعىسىنداعى نايبا ٶزەنٸندەگٸ مۇزدا 1 300-گە جۋىق بالىقشى مۇز قاقپانىنا تٷسٸپ قالعان. قۇتقارۋشىلار 44 ەۋەسقوي بالىقشىنى جاعاعا جەتكٸزدٸ», - دەپ حابارلادى ۆەدومستۆودا.
جەلدٸڭ سالدارىنان مۇز جارىلىپ, جاعادان 100 م قاشىقتىقتا ەنٸ شامامەن 50-100 سم بولاتىن جارىقشاق پايدا بولعان. ق ۇتقارۋ وپەراتسيياسىنا, 23 ادام مەن 16 تەحنيكا جۇمىلدىرىلدى.
