ٷكٸمەتتٸڭ ٸس-ەرەكەتتەرٸ حالىققا تٷسٸنٸكتٸ, اشىق, قادامدارى ازاماتتارمەن تىعىز بايلانىستا بولۋى شارت. بۇل تۋرالى مەجٸلٸستٸڭ جالپى وتىرىسىندا دەپۋتات ەرلان سايروۆ مەلٸم ەتتٸ, دەپ حابارلايدى قازاقپارات.
«كەشە ٷكٸمەتتٸڭ كەڭەيتٸلگەن وتىرىسىندا مەملەكەت باسشىسى قاسىم-جومارت توقاەۆ ەلٸمٸزدەگٸ كەدەيشٸلٸك مەسەلەسٸنە باسا نازار اۋداردى. پرەزيدەنت ٷكٸمەت مٷشەلەرٸنە ازاماتتارىمىزدىڭ كٶپشٸلٸگٸنٸڭ ەلەۋمەتتٸك جاعدايىن ارتتىرۋ باعىتىندا جەدەل قادام جاساۋعا تاپسىرما بەردٸ. ەلٸمٸزدٸڭ تاريحىندا حالقىمىزدىڭ ەلەۋمەتتٸك جۇپىنى جاعدايى مەملەكەت باسشىسى دەڭگەيٸندە بٸرٸنشٸ رەت كٶتەرٸلٸپ وتىر. ياعني, پرەزيدەنت قاسىم-جومارت توقاەۆ قوعامدى, ازاماتتاردى, حالىقتى تولعاندىراتىن مەسەلە بويىنشا اشىق, شىنايى ەڭگٸمەگە شاقىرىپ وتىر دەگەن سٶز. راسىندا, حالقىمىزدىڭ باسىم كٶپشٸلٸگٸنٸڭ ەلەۋمەتتٸك جاعدايىنىڭ تٶمەندٸگٸ ەلٸمٸزدٸڭ تۇراقتى دامۋىنا نەگٸزگٸ تەجەگٸش بولىپ سانالادى», - دەدٸ سايروۆ ٷكٸمەت باسشىسى ەليحان سمايىلوۆتىڭ اتىنا جولداعان ساۋالىندا.
وسى ورايدا ول مەملەكەت باسشىسى 11 قاڭتاردا پارلامەنتتە سٶيلەگەن سٶزٸندە دە ٷكٸمەتكە حالقىمىزدىڭ ەلەۋمەتتٸك جاعدايىن جاقسارتۋ, ازاماتتاردىڭ ەل-اۋقاتىن جەتٸلدٸرۋ جٶنٸندە ناقتى تاپسىرمالار بەرگەنٸن ەسكە سالدى.
«بٸر اي ٶتتٸ, ٷكٸمەت ٶز دەڭگەيٸندە ەڭبەكتەنٸپ جاتقان بولار, دەگەنمەن ٷكٸمەتتٸڭ ٸس-ەرەكەتتەرٸ حالىققا تٷسٸنٸكتٸ, اشىق, قادامدارى ازاماتتارمەن تىعىز بايلانىستا بولۋى شارت. الدىڭعى ٷكٸمەتتٸڭ باستى پروبلەماسى ٶزدەرٸنٸڭ ٸس - قادامدارىنىڭ لوگيكاسىن, باعىت-باعدارىن ەلگە, قوعامعا تٷسٸندٸرە المادى, جابىق ستيلدە جۇمىس ٸستەدٸ. تاريحتان ساباق الاتىن ۋاقىت جەتتٸ. وسى ورايدا, ەليحان اسحانۇلى ٶزٸڭٸزدٸڭ, ٷكٸمەت مٷشەلەرٸنٸڭ مەجٸلٸسكە, قوعام ٶكٸلدەرٸنٸڭ قاتىسۋىمەن, پرەزيدەنت بەرگەن كەلەسٸ تاپسىرمالار: كەدەيشٸلٸكپەن كٷرەس, جاستار مەسەلەسٸ, كٸشٸ جەنە ورتا بيزنەستٸ دامىتۋ, سىرتقا زاڭسىز كەتكەن كاپيتالدى قايتارۋ پروبلەماتيكاسى, «سامرۇق قازىنانى» رەفورمالاۋ, روپ-تى وڭتايلاندىرۋ مەسەلەلەرٸ بويىنشا ەسەپ بەرگەندەرٸڭٸز ابزال», - دەدٸ دەپۋتات.
«حالىق, قوعام پرەزيدەنت تاپسىرمالارىنىڭ قالاي ورىندالىپ جاتقاندىعى, قانداي جوسپار بار, تاپسىرمانى ورىنداۋدا قانداي قيىندىقتار بار ەكەندٸگٸ جٶنٸندە اشىق, بٷكپەسٸز حاباردار بولۋى قاجەت. «جاڭا قازاقستان» فيلوسوفيياسى اشىق ديالوگتى, شىنايى ديسكۋسسييانى تالاپ ەتەدٸ! حالىقتىڭ مەسەلەسٸ تىنىش كابينەت شەڭبەرٸندە ەمەس, قوعاممەن بٸرلەسٸپ تالقىلانىپ, شەشٸلۋٸ تيٸس», - دەدٸ ەرلان سايروۆ.
