الماتى ەكٸمٸ باقىتجان ساعىنتاەۆتىڭ تٶراعالىعىمەن ٶتكەن جۇمىس كەڭەسٸندە مەگاپوليستەگٸ كٶگالداندىرۋ مەن كٶشەتتەردٸ كٷتٸپ ۇستاۋدىڭ ٶزەكتٸ مەسەلەلەرٸ قارالدى, دەپ حابارلايدى قازاقپارات.
الماتىدا بيىلعى كٶكتەمدە 50 مىڭنان استام اعاش وتىرعىزىلدى. جاقىن ارادا تاعى 15 مىڭعا جۋىق كٶشەت وتىرعىزىلادى. جالپى, بيىل كٷزگٸ ماۋسىمدا Jasyl Almaty باعدارلاماسى اياسىندا قالانىڭ جاسىل قورىن 290 مىڭ اعاشقا كٶبەيتۋ جوسپاردا.
مىسالى, قالا ەكٸمٸ باقىتجان ساعىنتاەۆتىڭ جۇمىس ساپارىنىڭ بٸرٸندە ايتىلعان ەرٸ الاتاۋ اۋدانىنىڭ «نۇركەنت» جەنە «اقبۇلاق» شاعىن اۋداندارى تۇرعىندارىنىڭ تٸلەكتەرٸنە ساي رىسقۇلوۆ داڭعىلى بويىنداعى بٶلۋ جولاعى كٶگالداندىرىلادى, مۇندا 650 قاراعاش وتىرعىزىلدى.
جەتٸسۋ اۋدانىنىڭ «كٶكجيەك» شاعىن اۋدانىندا 8 450 اعاش وتىرعىزىلدى, ونىڭ ٸشٸندە پيراميدالى تەرەك, كٷمٸس تەرەك, سونداي-اق جەمٸس اعاشتارى – «التىن كەرەمەت», «امەريكانكا», «ليمونكا» سىندى الما اعاشتارى مەن نيكيتينسكيي ٶرٸگٸ.
«جاسىل اۋلا» اكتسيياسى اياسىندا 109 مەكەنجاي تۇرعىندارىنا 1500 جاپىراقتى كٶشەت تاراتىلدى.
كەڭەس بارىسىندا الماتى ەكٸمٸ باقىتجان ساعىنتاەۆ جاسىل جەلەكتەردٸ كٷتٸپ ۇستاۋعا باقىلاۋدى كٷشەيتۋدٸ, كٶشەتتەر مەن بۇرىننان بار اعاشتاردى, سونداي-اق گٷلزارلار مەن گازونداردى سۋارۋدى تاپسىردى.
قالا ەكٸمٸنٸڭ تاپسىرماسى بويىنشا ٶتكەن جىلدان باستاپ اۋماقتاردى كٶگالداندىرۋ كەزٸندە گٷلدەردٸڭ كٶپجىلدىق تٷرلەرٸنە باسا نازار اۋدارىلدى. بيىلعى كٶكتەمدە گٷلزارلار مەن كلۋمبالاردى جاساعاندا كٶپجىلدىق ٶسٸمدٸكتەردٸڭ جالپى الاڭى 42% -عا جەتكٸزٸلدٸ, بۇل ٶتكەن جىلمەن سالىستىرعاندا 30% -عا ارتىق. كەلەر جىلى كٶپجىلدىق ٶسٸمدٸكتەردٸڭ ٷلەسٸن 55%-عا دەيٸن ارتتىرۋ جوسپارلانۋدا.
مەگاپوليس باسشىسى قالالىق كەڭٸستٸكتٸ كٶگالداندىرۋ كەزٸندە لاندشافتتى ديزاين جٶنٸندەگٸ مامانداردىڭ ۇسىنىسىن ەسكەرۋ قاجەتتٸگٸنە نازار اۋداردى.
