جىلۋ ماۋسىمىنا دايىندىق بارىسى تالقىلانعان وتىرىستا ٷكٸمەت باسشىسى باقىتجان ساعىنتاەۆ قاراعاندى وبلىسىنىڭ باسشىلىعىنا بىلتىر شاحاندا بولعان جارىلىستىڭ بيىل قايتالانباۋىن قاتاڭ باقىلاۋعا الۋدى تاپسىردى, دەپ حابارلايدى "ۇلت اقپارات" Sputnik قازاقستان پورتالىنا سٸتەمە جاساپ.
قاراعاندى وبلىسىنىڭ ەكٸمٸ بايانداعانداي, ٶڭٸردە جىلۋ ماۋسىمىنا دايىندىق اياقتالۋعا جاقىن.
"16 قازاندىق پەن 9 تۋربينادا جٶندەۋ جۇمىستارى بٸتتٸ. بٷگٸندە 15 قازاندىق پەن 7 تۋربينا جٶندەلٸپ جاتىر. جىلۋ ماۋسىمىنا دايىندىق تۇراقتى باقىلاۋدا", — دەپ باياندادى سەلەكتورلىق بايلانىس ارقىلى وبلىس باسشىسى.
سونداي-اق وبلىستاعى اۆتونومدى جىلۋ جٷيەسٸ مەسەلەسٸنە توقتالدى.
"30 اۆتونومدى جٷيەنٸڭ 18-ٸن جىلۋ ماۋسىمى باستالعانشا شىعارۋدى جوسپارلاپ وتىرمىز. قازٸرگٸ ۋاقىتتا سەگٸز اۆتونومدى جٷيە بويىنشا جۇمىس اياقتالدى, قالعان ونى جىلۋ جٷيەسٸ باستالعانشا ورناتىلادى. ونىڭ ٸشٸندە بيۋدجەتتٸك ەمەس قارجىعا شاحانداعى بارلىق قازاندىقتار ٷيلەردەن شىعارىلادى. 12 قازاندىق كەلەسٸ جىلى شىعارىلادى. تٶتەنشە جاعدايعا جول بەرمەۋ ٷشٸن قازاندىقتار تەكسەرٸلدٸ, تۇراقتى تٷردە جۇمىسشىلاردى وقىتۋ جٷرگٸزٸلەدٸ", — دەدٸ ەكٸم.
"ەسٸرەسە, تەمٸرتاۋ قالاسىن باقىلاۋدا ۇستاۋ كەرەك. ٶتكەن جىلعى جاعداي قايتالانباۋى تيٸس. شاحاندا بولعان وقيعا دا قايتالانبايدى دەگەن ٷمٸتتەمٸز", — دەدٸ باقىتجان ساعىنتاەۆ.
ەسكە سالا كەتسەك, شاحان كەنتٸندە 2017 جىلى قاڭتاردىڭ 1-ٸ كٷنٸ بولعان قايعىلى اپات توعىز كٸسٸ — التى ەرەسەك ادام مەن ٷش بالانىڭ ٶمٸرٸن قيدى. ٷيدٸڭ جەرتٶلەسٸندە ورناتىلعان جىلۋ قازاندىعى جارىلىپ, بەس قاباتتى ٷيدٸڭ شەتكٸ پودەزٸ وپىرىلىپ قۇلاعان بولاتىن. تەكسەرۋ قورىتىندىسى بويىنشا, بەس لاۋازىمدى تۇلعا «اۋىر زارداپتارعا سوقتىرعان قىزمەتتٸك ەرەكەتسٸزدٸككە» قاتىستى ايىپتالls. ولار — شاحان كەنتٸنٸڭ ەكٸمٸ, ونىڭ ورىنباسارى, ەكٸم اپپاراتىنىڭ كوممۋنالدىق مەسەلەلەر جٶنٸندەگٸ باس مامانى, تۇرعىن-ٷي كوممۋنالدىق شارۋاشىلىعى بٶلٸمٸ باسشىسىنىڭ مٸندەتٸن اتقارۋشى مەن تۇرعىن-ٷي سەكتورىنىڭ باس مامانى.
