Nur Otan پارتيياسى الماتى قالالىق فيليالىنىڭ تٶراعاسى, الماتى ەكٸمٸ باقىتجان ساعىنتاەۆ پارتييانىڭ قوعامدىق قابىلداۋىنا جٷگٸنگەن قالالىقتاردىڭ سۇراقتارىنا جاۋاپ بەردٸ, دەپ حابارلايدى "ۇلت اقپارات".
«جەتٸسۋ-3» شاعىن اۋدانى تۇرعىندارىنىڭ ٶتٸنٸشٸ بويىنشا قۇرىلىسى ۇزاققا سوزىلعان نىسان ورنالاسقان ۋچاسكەنٸ سالۋشى الداعى اتقارىلاتىن جۇمىستار بويىنشا تۇرعىندارمەن كەزدەسٸپ, بارلىق قۇجات پەن جوبالاردى كٶرسەتەتٸن بولادى.
مۇندا ٸرگەلەس اۋماقتار مەن اۋلانى اباتتاندىرۋ ەسكەرٸلۋٸ تيٸس. تۇرعىندار پٸكٸرٸ ەسكەرٸلمەسە قۇرىلىستى سالۋعا رۇقسات بەرٸلمەيدٸ.
المالى اۋدانى تۇرعىندارىنىڭ ساۋدا نىسانىنىڭ ورنىنا بالالار سپورت الاڭىن سالۋ تۋرالى ٶتٸنٸشٸ دە قولداۋ تاپتى.
حودجانوۆ كٶشەسٸ بويىنداعى №76 ٷيدٸڭ تۇرعىنى ن. كوتوۆانىڭ ساۋالى بويىنشا اۋلانى جاڭارتۋ كەلەسٸ جىلعا جوسپارلانعان.
الايدا Nur Otan الماتى قالالىق فيليالى تٶراعاسىنىڭ تاپسىرماسى بويىنشا بيىل فۋتبول الاڭى جاسالىپ, جاز كەزٸندە بالالاردىڭ دەنساۋلىعىن جاقسارتۋعا مٷمكٸندٸك تۋادى.
ساعىنتاەۆتىڭ تاپسىرماسى بويىنشا «تەرەكتٸ» شاعىن اۋدان تۇرعىندارىنىڭ كٶلٸك جولايرىعىن سالۋ جٶنٸندەگٸ سۇراقتارى پىسىقتالادى, قۇرىلىس جٷرٸپ جاتقان جەرگە بارىپ, مەسەلە زەردەلەنەدٸ.
بۇدان ٶزگە, ٶتٸنٸش بٸلدٸرگەن قالا تۇرعىندارىنا «كۋرورتنوە» ساياجاي اۋماعىندا جەنە «قاراعايلى» شاعىن اۋدانىندا ينجەنەرلٸك جەلٸلەردٸ سالۋ مەرزٸمٸ حاباردار ەتٸلدٸ.
