Nur Otan partiiasy Almaty qalalyq filialynyń tóraǵasy, Almaty ákimi Baqytjan Saǵyntaev partiianyń qoǵamdyq qabyldaýyna júgingen qalalyqtardyń suraqtaryna jaýap berdi, dep habarlaidy "Ult aqparat".
«Jetisý-3» shaǵyn aýdany turǵyndarynyń ótinishi boiynsha qurylysy uzaqqa sozylǵan nysan ornalasqan ýchaskeni salýshy aldaǵy atqarylatyn jumystar boiynsha turǵyndarmen kezdesip, barlyq qujat pen jobalardy kórsetetin bolady.
Munda irgeles aýmaqtar men aýlany abattandyrý eskerilýi tiis. Turǵyndar pikiri eskerilmese qurylysty salýǵa ruqsat berilmeidi.
Almaly aýdany turǵyndarynyń saýda nysanynyń ornyna balalar sport alańyn salý týraly ótinishi de qoldaý tapty.
Hodjanov kóshesi boiyndaǵy №76 úidiń turǵyny N. Kotovanyń saýaly boiynsha aýlany jańartý kelesi jylǵa josparlanǵan.
Alaida Nur Otan Almaty qalalyq filialy tóraǵasynyń tapsyrmasy boiynsha biyl fýtbol alańy jasalyp, jaz kezinde balalardyń densaýlyǵyn jaqsartýǵa múmkindik týady.
Saǵyntaevtyń tapsyrmasy boiynsha «Terekti» shaǵyn aýdan turǵyndarynyń kólik jolairyǵyn salý jónindegi suraqtary pysyqtalady, qurylys júrip jatqan jerge baryp, másele zerdelenedi.
Budan ózge, ótinish bildirgen qala turǵyndaryna «Kýrortnoe» saiajai aýmaǵynda jáne «Qaraǵaily» shaǵyn aýdanynda injenerlik jelilerdi salý merzimi habardar etildi.
