الماتى ەكٸمٸ باقىتجان ساعىنتاەۆ الاتاۋ مەن ناۋرىزباي اۋداندارىنداعى جارىق پەن اۋىزسۋ مەسەلەسٸ قاشان شەشٸمٸن تاباتىنىن ايتتى, دەپ حابارلايدى قازاقپارات.
«مەن اپتاسىنا بٸر رەت «اlmaty-live» ارقىلى حالىقپەن تٸكەلەي بايلانىسقا شىعىپ تۇرامىن. سول كەزدە قويىلاتىن سۇراقتىڭ 50 پايىزى الاتاۋ مەن ناۋرىزباي اۋداندارىنان كەلٸپ تٷسەدٸ. بۇلار الماتى وبلىسىنان قالا قۇرامىنا كەيٸن قوسىلعان اۋداندار. بەرٸ ينفراقۇرىلىمنان بەيحابار قالعان. نە جولى, نە جولى, كەرٸزٸ, جارىعى كەشەۋٸلدەپ, قالىپ كەتكەن. ەندٸ الماتى قالاسىنا قوسىلعاننان كەيٸن «بٸز دە قالانىڭ ورتالىعىنداعى تۇرعىندار پايدالانىپ وتىرعان قىزمەتتەردٸ پايدالانۋعا قاقىلىمىز, ەكٸمشٸلٸك سونى بٸزگە جاساپ بەرسٸن» دەيدٸ. دۇرىس تالاپ. ول ٷشٸن بٸز نە ٸستەپ جاتىرمىز? بٸرٸنشٸدەن, جاڭا الماتىنىڭ كەشەندٸ دامۋ جوسپارى بار», - دەدٸ قالا ەكٸمٸ ورتالىق كوممۋنيكاتسييالار قىزمەتٸندە ٶتكەن بريفينگٸدە.
سونداي-اق, ول جاز شىقسا, سۋدى «ۆودوۆوزبەن» تاسيتىن ەلدٸ مەكەندەردٸڭ مەسەلەسٸنە توقتالدى.
«مىسالى ناۋرىزباي اۋدانىندا سۋ جەتپەيدٸ. جازدىڭ كەيبٸر كٷندەرٸ «ۆودوۆوزبەن» سۋ ەكەلەدٸ. قاراڭىز, ححٸ عاسىر, «ۆودوۆوزبەن» سۋ تاسيمىز. نەگە? سۋدىڭ كٶلەمٸ جەتپەيدٸ. ٶيتكەنٸ تاۋ جاقتان ەكەلەتٸن سۋ قوندىرعىسىنىڭ قۋاتى تٶمەن. حالىق سانى ٶسٸپ جاتىر. سۋ كەلەتٸن قۇبىردىڭ ٶزٸ كٸشكەنە. ال جازدا جەر ٷيدە تۇرعان سوڭ, ەرقايسىنىڭ اۋلاسىندا باقشا بار. ونى كٷتۋگە دە سۋ كەرەك. جازدا سۋ دەڭگەيٸ وسى سەبەپتٸ تٷسەدٸ», - دەدٸ ەكٸم.
ونىڭ ايتۋىنشا, اتالمىش اۋداننىڭ حالقى تاۋ ٶزەندەرٸنٸڭ سۋىن تۇتىنىپ وتىرعاندىقتان, جاڭبىر جاۋعان سايىن سۋ ساپاسى ناشارلايتىنىن ايتادى.
«ەكٸنشٸدەن, جاڭبىر جاۋسا, قارعالى ٶزەنٸنٸڭ سۋى لايلانادى. ياعني, سٷزگٸ جوق. سول سەبەپتٸ بٸز ناۋرىزباي اۋدانىندا ەكٸ جۇمىستى قاتار باستادىق. كەلەسٸ جىلى اقجارداعى پروبلەمانى شەشەمٸز. ەندٸ جوعارى جاقتان سۋ ەكەلۋ مەسەلەسٸ بار. قازٸرگٸ سٷزگٸنٸڭ كٷشٸ جەتپەگەندٸكتەن, اقساي شاتقالىندا سالىنىپ جاتقان پلوتينادان, 3,5 شاقىرىم جەردەن ٷلكەن ديامەترلٸ قۇبىرمەن سۋ تارتىپ جاتىرمىز. كەلەشەكتە ول ماڭدا ٷلكەن سٷزگٸ مەن سۋ جينايتىن كەشەن سالۋىمىز كەرەك. جوباسىن ٷكٸمەت قولداپ, كەلەسٸ جىلدىڭ بيۋدجەتٸنە قوستى. كەلەسٸ جىلى ٷلكەن قۇرىلىس باستالادى.
ەكٸ جىلدىڭ ٸشٸندە تەك ناۋرىزباي اۋدانىن عانا ەمەس, الماتى وبلىسىنىڭ قاسكەلەڭ اۋدانىنداعى قوسىمشا بەس ەلدٸ مەكەنگە سۋ بەرەتٸن مٷمكٸندٸك الامىز. سونداي-اق, قارعالىنىڭ قۇرامىس جاعىنداعى ارنادان سۋ الاتىن سول تٶڭٸرەكتەگٸ 50 مىڭنان استام ماسسيۆ كٶكتەمدە سۋ الاتىن بولادى», - دەدٸ شاھار باسشىسى.
باقىتجان ساعىنتاەۆ بۇل اۋدانداردا جارىق جيٸ ٶشپەس ٷشٸن بٷكٸل ترانسفورماتورلاردى مەملەكەت مەنشٸگٸنە قايتارۋ باستالعانىن اتادى.
«جارىقتىڭ جيٸ ٶشەتٸنٸ تۋرالى ايتساق, كەزٸندە بۇل اۋىلدى ەلدٸ مەكەندەر بولعان. الماتى وبلىسىنا قاراعان كەزدە ەلەكترمەن جابدىقتاۋ ٸسٸ تٷگەل جەكە قولدارعا ٶتٸپ كەتكەن. ولار ٶز تاريفتەرٸن قويادى, بٸراق جٶندەۋ جۇمىستارىن جٷرگٸزبەيدٸ. 2019 جىلى قالانىڭ قۇرامىنا ٶتكەندە حالىق ول پروبلەماسىن ايتتى. قازٸر سونىڭ بەرٸن مەملەكەتكە قايتارىپ جاتىرمىز. بٷگٸنگٸ تاڭدا سۋ, جارىق, كەرٸز جەلٸسٸ بويىنشا 1000-عا جۋىق نىساندى مەملەكەتكە قايتارىپ, كەيٸن مونوپوليست كومپانييالارعا ٶتكٸزٸپ جاتىرمىز. ول دا وڭاي شارۋا ەمەس. بٸر عانا نىساندى مەملەكەت مەنشٸگٸنە سوت ارقىلى قايتارۋ ٷشٸن 6 اي كەتەدٸ. بولاشاقتا يەسٸز نىساننىڭ بەرٸن قابىلداپ الامىز», - دەدٸ الماتى ەكٸمٸ.
