الماتى ەكٸمٸ باقىتجان ساعىنتاەۆ ەلٸمٸزدەگٸ ەڭ ٸرٸ قالانىڭ ەكولوگييالىق پروبلەمالارى قالاي شەشٸلٸپ جاتقانىن ايتىپ بەردٸ, دەپ حابارلايدى قازاقپارات.
«الماتى قالاسىنىڭ ەكولوگيياسى – جۇرتشىلىقتى الاڭداتاتىن مەسەلەنٸڭ بٸرٸ. سول سەبەپتٸ ول مەسەلەنٸ شەشۋ ٷشٸن بٸرقاتار شارا قابىلدانىپ جاتىر. ەڭ ٷلكەنٸ - جەو-2 كٶمٸردەن گازعا اۋىستىرۋ, ياعني جاڭعىرتۋ. قازان ايىندا وسى جوبانى قارجىلاندىرۋ مەسەلەسٸ شەشٸمٸن تاپتى. وسى شەشٸمنٸڭ ارقاسىندا جەو-2-نٸڭ شىعاراتىن زيياندى قالدىقتارى 38 مىڭ توننادان 6 مىڭ تونناعا دەيٸن تٶمەندەيدٸ. بۇل ەندٸ الماتى قالاسىنىڭ اۋاسىن تازارتۋعا ٷلكەن سەپتٸگٸن تيگٸزەدٸ», - دەدٸ باقىتجان ساعىنتاەۆ ٷكٸمەت وتىرىسىندا.
قالا ەكٸمٸنٸڭ ايتۋىنشا, الماتى قالاسىنىڭ ماڭىنداعى جەو-3 مەسەلەسٸ بويىنشا «سامۇرىق-ەنەرگو» كومپانيياسى جۇمىس جٷرگٸزٸپ جاتىر.
الداعى ۋاقىتتا قارجىلاندىرۋ مەسەلەسٸ رەتتەلسە, بۇل دا قالانىڭ ەكولوگيياسىن جاقسارتۋعا سەپتٸگٸن تيگٸزەدٸ.
«جەكە سەكتوردى گازداندىرۋ دەڭگەيٸ - قالا بويىنشا 99 پايىز. 1800-دەي ٷي ەلٸ گازبەن قامتاماسىز ەتٸلمەگەن. ونىڭ كٶبٸندە ماگيسترالدى قۇبىرلارى جوق. بٸز «حالىق بانكپەن» كەلٸستٸك. ول بانك گازبەن قامتاماسىز ەتٸلمەگەن تۇرعىندارعا 0 پايىزبەن بٸر جارىم جىلعا نەسيە بەرەدٸ. ال تۇرمىسى ناشار وتباسىلارعا ەكٸمدٸك دەمەۋشٸلەردٸ تارتا وتىرىپ, بۇل جۇمىستى اياقتايمىز», - دەدٸ ول.
باقىتجان ساعىنتاەۆ سونىمەن قاتار تالعار, ٸلە, قاراساي اۋداندارىندا 80 مىڭداي ٷي ەلٸ دە گاز قوسىلماعانىن ايتىپ ٶتتٸ.
«مينيسترلٸكتٸڭ قولداۋىمەن قارجى بٶلٸنسە, وندا وسى الماتى ٷشٸن كٶپ كٶمەك بولار ەدٸ. ٶيتكەنٸ بٸز قالانى تازالاعانىمەن جەو-3 بار, قالا شەتٸندەگٸ 80 مىڭ ٷي بار – بەرٸبٸر شىععارىندىلاردىڭ بەرٸ قالاعا كەلٸپ جاتىر», - دەدٸ ول.
باقىتجان ساعىنتاەۆ الماتى قالاسىندا 530 مىڭ كٶلٸك تٸركەلگەنٸمەن, كٷندەلٸكتٸ قالاعا كٸرەتٸن كٶلٸك 250 مىڭ ەكەنٸن ايتادى.
سوندىقتان الماتىنىڭ كٶلٸكتٸك ستراتەگيياسىن دامىتۋ ماقساتىندا نەگٸزگٸ نازار قوعامدىق كٶلٸككە اۋىستىرۋ مەسەلەسٸنە اۋدارىلىپ جاتىر.
