باقىتجان ساعىنتاەۆ «الماتى» تەلەراناسىنداعى كەزەكتٸ تٸكەلەي ەفير بارىسىندا قالانىڭ دەنساۋلىق ساقتاۋ جٷيەسٸن تسيفرلاندىرۋ جەنە كوروناۆيرۋس ەپيدەميياسىنىڭ تارالۋىن بولدىرماۋعا باعىتتالعان جوبالار تۋرالى ايتتى, دەپ حابارلايدى قازاقپارات.
«دەنساۋلىق ساقتاۋ سالاسىن تسيفرلاندىرۋ اياسىندا بٷكٸل قالا بويىنشا العاشقى مەديتسينالىق-سانيتارلىق كٶمەككە قادامدىق قولجەتٸمدٸلٸكتٸ انىقتايتىن جٷيە قۇرىلدى. جٷيە ۋچاسكەلٸك دەرٸگەرلەر ناۋقاستارىن ارالاۋ كەزٸندە ٶز پاتسيەنتتەرٸنە جەتە المايتىن ايماقتاردى انىقتاۋعا مٷمكٸندٸك بەردٸ. وسى اقپاراتتىڭ نەگٸزٸندە سالىناتىن جاڭا ەمحانالار مەن اۋرۋحانالاردىڭ مەديتسينالىق قىزمەتتەرٸنٸڭ قادامدىق قاشىقتىعى ەسكەرٸلٸپ, جوبالانادى», - دەيدٸ ەكٸم.
ونىڭ ايتۋىنشا, پاندەمييا كەزٸندە جەكە سەكتوردىڭ قاتىسۋىمەن قالا كوروناۆيرۋس ەپيدەميياسىنىڭ تارالۋىن بولدىرماۋعا باعىتتالعان جاڭا جوبالاردى جەدەل جٷزەگە اسىردى. مىسالى, ۇيالى بايلانىس وپەراتورلارىنىڭ دەرەكتەرٸ نەگٸزٸندە ادامدار كٶپ جينالاتىن ورىنداردىڭ ساراپتاماسى جاسالدى, اۋرۋحانالاردىڭ 1س جٷيەسٸنە تٸكەلەي ينتەگراتسييالانعان دەرٸ-دەرمەك قوزعالىسىنىڭ مونيتورينگ جٷيەسٸ ەنگٸزٸلدٸ, مەديتسينالىق قۇرىلعىلاردىڭ جۇمىس مەرتەبەسٸن انىقتايتىن جوبا جٷزەگە استى.
سونداي-اق پاندەمييا كەزٸندە تەلەمەديتسينا ورتالىعى ارقىلى كوروناۆيرۋس جۇقتىرعان ناۋقاستاردى باقىلايتىن تولىققاندى جٷيە ٸسكە استى. الداعى ۋاقىتتا وسى تەجٸريبەنٸ سوزىلمالى اۋرۋلارى بار قالالىقتاردى قولداۋ ٷشٸن پايدالانۋ جوسپارلانۋدا.
