Baqytjan Saǵyntaev «Almaty» teleranasyndaǵy kezekti tikelei efir barysynda qalanyń densaýlyq saqtaý júiesin tsifrlandyrý jáne koronavirýs epidemiiasynyń taralýyn boldyrmaýǵa baǵyttalǵan jobalar týraly aitty, dep habarlaidy QazAqparat.
«Densaýlyq saqtaý salasyn tsifrlandyrý aiasynda búkil qala boiynsha alǵashqy meditsinalyq-sanitarlyq kómekke qadamdyq qoljetimdilikti anyqtaityn júie quryldy. Júie ýchaskelik dárigerler naýqastaryn aralaý kezinde óz patsientterine jete almaityn aimaqtardy anyqtaýǵa múmkindik berdi. Osy aqparattyń negizinde salynatyn jańa emhanalar men aýrýhanalardyń meditsinalyq qyzmetteriniń qadamdyq qashyqtyǵy eskerilip, jobalanady», - deidi ákim.
Onyń aitýynsha, pandemiia kezinde jeke sektordyń qatysýymen qala koronavirýs epidemiiasynyń taralýyn boldyrmaýǵa baǵyttalǵan jańa jobalardy jedel júzege asyrdy. Mysaly, uialy bailanys operatorlarynyń derekteri negizinde adamdar kóp jinalatyn oryndardyń saraptamasy jasaldy, aýrýhanalardyń 1S júiesine tikelei integratsiialanǵan dári-dármek qozǵalysynyń monitoring júiesi engizildi, meditsinalyq qurylǵylardyń jumys mártebesin anyqtaityn joba júzege asty.
Sondai-aq pandemiia kezinde Telemeditsina ortalyǵy arqyly koronavirýs juqtyrǵan naýqastardy baqylaityn tolyqqandy júie iske asty. Aldaǵy ýaqytta osy tájiribeni sozylmaly aýrýlary bar qalalyqtardy qoldaý úshin paidalaný josparlanýda.
