«الماتى» تەلەارناسىنداعى Akimat Live باعدارلاماسىنىڭ تٸكەلەي ەفيرٸندە قالا ەكٸمٸ باقىتجان ساعىنتاەۆ قازٸرگٸ ەپيدەميولوگييالىق احۋال تۋرالى ايتىپ, الماتىلىقتارعا ٷندەۋ جولدادى, دەپ حابارلايدى "ۇلت اقپارات".
«ەپيداحۋالدىڭ قانشالىقتى كٷردەلٸ ەكەنٸن تۋعان-تۋىستان, اعايىننان, جورا-جولداستان بٸلٸپ وتىرسىز. ارالارىندا اۋىرىپ قالىپ جاتقاندار بار. تٸپتٸ, قايتىس بولعاندار دا بار. بۇل دەگەنٸمٸز – ەلٸ كٷنگە دەيٸن ەپيداحۋالدىڭ ٶتە كٷردەلٸ ەكەنٸن تٷسٸنبەگەنٸمٸزدە نەمەسە تٷسٸنگٸمٸز كەلمەيتٸنٸندە. جەڭٸل دەرت دەپ ويلايمىز. بٸر جارىم جىل بولدى ٸندەتپەن ارپالىسىپ كەلەمٸز. ەگەر سٸز ويلاعانداي جەڭٸل بولاتىن بولسا, باياعىدا ٶتٸپ كەتەر ەدٸك. ونىڭ بٸر شەشٸمٸ جوق. ەر شتامم پايدا بولعان سايىن كٷردەلەنٸپ بارادى. قازٸر, مٸنە, دەلتانى كٶرٸپ وتىرمىز. ٶتە قيىن جاعدايعا الىپ كەلدٸ. ونى ناۋقاستاردىڭ سانىنان-اق كٶرۋگە بولادى. بٸزدٸڭ كلينيكالارعا كٷن سايىن 700-750 ناۋقاس تٷسەدٸ. تۇرعىنداردان ۆاكتسينا الۋعا ٷندەپ جاتىرمىز. ۆاكتسيناتسييانىڭ ٶزٸنە قارسى قانشا ەڭگٸمە ايتىلدى. ۆاكتسينا كەرەك دەگەنگە سەنبەيمٸز, كەرەك ەمەس دەگەنگە كٶبٸرەك سەنەمٸز. ۆاكتسيناسىز شەشٸم جوق, وسىنى جاقسى تٷسٸنۋ كەرەك», – دەدٸ ەكٸم.
سونىمەن قاتار, قالا ەكٸمٸ شاھارداعى كارانتين تالابىن ساقتامايتىن تٷنگٸ مەكەمەلەردٸڭ الدىنا پوليتسييا پاترۋلٸ قويىلعانىن تٸلگە تيەك ەتتٸ.
«بەرٸبٸر قوعامدىق ورىنداردا كٶپ جٷرەمٸز. كەسٸپكەرلەردٸڭ ەشقايسىسى كارانتين تالابىن ساقتامايدى, ەسٸرەسە, مەيرامحانالار مەن تٷنگٸ كلۋبتار. بٸز قالاداعى 74 مەكەمەنٸڭ الدىنا پوليتسييا پاترۋلٸن قويعا مەجبٷر بولدىق. ولاردىڭ ٶز جۇمىسى بار, ولار قالانىڭ قاۋٸپسٸزدٸگٸن قامتاماسىز ەتۋ كەرەك ەمەس پە? ولار كەرٸسٸنشە تٷنگٸ مەكەمەلەرگە جاستار جينالماسىن دەپ كٷزەتٸپ تۇر. سٸزدەردەن تاعى دا سۇرايمىن. جاۋاپكەرشٸلٸكپەن قاراۋىڭىزدى سۇرايمىن. بۇلاي جالعاسا بەرسە, بۇدان دا قاتاڭ شارالار قابىلدايمىز. مونيتورينگ توپتار ارالايدى, قاداعالايدى. بٸراق بٷكٸل قالانى جاۋىپ تاستاي المايدى. ٶتە اۋىر جاعدايدا تۇرمىز. دەرٸگەرلەر كٷندٸز-تٷنٸ جۇمىس ٸستەپ جاتىر. بۇلاي جالعاسا بەرسە, ورىندى قايدان تابامىز? قازٸر ورىن جەتكٸلٸكتٸ. دەگەنمەن ساقتىق شارالارىنا بەي-جاي قاراماۋ كەرەك», – دەدٸ قالا ەكٸمٸ.
