الماتى ەكٸمٸ باقىتجان ساعىنتاەۆ «جۇمىسپەن قامتۋدىڭ جول كارتاسى» باعدارلاماسى جەنە «بيۋدجەتكە قاتىسۋ» جوباسى اياسىندا قولعا الىنعان المالى اۋدانىنىڭ كوعامدىق كەڭٸستٸكتەرٸن اباتتاندىرۋ بارىسىمەن تانىستى, دەپ حابارلايدى "ۇلت اقپارات".
اتاپ ايتقاندا, ەكٸم جامبىل اتىنداعى سكۆەر, جامبىل كٶشەسٸ بويىنداعى جەنە روزىباكيەۆ كٶشەسٸ مەن قوجامقۇلوۆ كٶشەسٸنٸڭ قيىلىسىنداعى «جاسىل» ايماقتاردا بولدى. مۇندا جايلى ورىندىقتار, ترەناجەر كەشەندەرٸ قويىلىپ, ويىن الاڭدارى, گٷلزارلار جاسالۋدا. جاياۋ جٷرگٸنشٸ جولدارى اباتتاندىرىلىپ جاتىر.
الماتى ەكٸمٸ «تاستاق» ىقشاماۋدانىنداعى پروكوفەۆ كٶشەسٸن جٶندەۋ جۇمىسىنىڭ بارىسىمەن تانىستى. مۇندا ويىن جەنە سپورت الاڭدارى, دەمالاتىن ورىندارى بار زاماناۋي جاياۋ جٷرگٸنشٸ ايماعى سالىنادى. پروكوفەۆ كٶشەسٸ دٷيسەنوۆ كٶشەسٸمەن قيلىسادى, مۇندا دا ٶتكەن جىلى جايلى جاياۋ جٷرگٸنشٸ ايماعى پايدا بولعان ەدٸ.
«وسىلايشا, المالى اۋدانىنىڭ وسى بٶلٸگٸندەگٸ تۇرعىنداردىڭ ٶز «تٶلەبايى» پايدا بولادى», - دەپ جازدى قالا ەكٸمٸ Instagram-پاراقشاسىندا.
ب. ساعىنتاەۆ جۇمىس ساپارى كەزٸندە «جۇمىسپەن قامتۋدىڭ جول كارتاسى» باعدارلاماسى اياسىندا قولعا الىنعان گاگارين بۋلۆارىنىڭ اباي داڭعىلىنان تٶلە بي كٶشەسٸنە دەيٸنگٸ اۋماعىنىڭ جەنە ماقاتاەۆ اتىنداعى سكۆەردٸڭ قالاي جٶندەلٸپ جاتقانىن كٶردٸ.
«بۇل سكۆەر شىعارماشىلىق ٶكٸلدەرٸ, زييالى قاۋىمنىڭ, جاس اقىندار مەن جازۋشىلاردىڭ مەكەنٸنە اينالۋى تيٸس. تٸپتٸ مۇنداعى اتموسفەرانىڭ ٶزٸ شىعارماشىلىققا شابىتتاندىراتىنداي جاعداي جاساۋدى مٸندەتتەدٸم», - دەدٸ ب. ساعىنتاەۆ.
بيىل المالى اۋدانىندا «بيۋدجەتكە قاتىسۋ» جوباسى بويىنشا 15 جوبا ٸسكە اساتىن بولادى. ول ٷشٸن 240 ملن تەڭگە بٶلٸنگەن. ايتا كەتەرلٸگٸ, سكۆەرلەر مەن جاسىل ايماقتاردى, اۋلالاردى جٶندەۋ, مٷمكٸندٸگٸ شەكتەۋلٸ ازاماتتار ٷشٸن جەراستى ٶتپە جولدارىنا كٶتەرگٸش مەحانيزمدەردٸ ورناتۋ بويىنشا بٸرقاتار جوبالار دا جٷزەگە اسادى.
