سولتٷستٸك قازاقستان وبلىسىندا جەرلەس جازۋشى سافۋان شايمەردەنوۆتٸڭ عاسىرلىق مەرەيتويىنا وراي بٸرقاتار ٸس-شارا ٶتتٸ, ال امانگەلدٸ اۋىلىنداعى تۋعان ٷيٸنە مەموريالدىق تاقتا قويىلدى, دەپ حابارلايدى قازاقپارات.
سافۋان شايمەردەنوۆتٸڭ 100 جىلدىق مەرەيتويى پەتروپاۆلدا «سٶز زەرگەرٸ – سافۋان» اتتى شىعارماشىلىق كەشپەن اشىلدى. وعان جازۋشىنىڭ ەرٸپتەستەرٸ, بەلگٸلٸ قالامگەرلەر, قوعام قايراتكەرلەرٸ, تۋعان-تۋىستارى قاتىسىپ, ەستەلٸكتەرٸمەن بٶلٸستٸ. ال نەگٸزگٸ ٸس-شارا ەكٸنشٸ كٷنٸ سافۋاننىڭ كٸندٸك قانى تامعان امانگەلدٸ اۋىلىندا ٶتتٸ. اق شاڭقان كيٸز ٷيلەر تٸگٸلٸپ, ۇلان اسىر توي ۇيىمداستىرىلدى.
مەيماندار جازۋشىنىڭ تۋىپ-ٶسكەن ٷيٸندە بولىپ, «شەيمەردەن ەۋلەتٸنٸڭ قاراشاڭىراعى» دەپ جازىلعان مەموريالدىق تاقتانىڭ اشىلۋ رەسٸمٸنە قاتىستى.
«بۇل قاراشاڭىراققا ەكەمٸز تٸرٸ كەزٸندە سەبيت مۇقانوۆ, عابيت مٷسٸرەپوۆ تە كەلگەن. ٶزٸمەن قاتارلاس جٷرگەن تاحاۋي احتانوۆ, ەبدٸجەمٸل نۇرپەيٸسوۆ سەكٸلدٸ قازاقتىڭ مارعاسقالارىنىڭ بەرٸ وسى ٷيدە بولىپ, قاراشاڭىراقتان دەم تاتتى. سوندىقتان بۇل ٷيدٸ ەل كٶشٸپ كەتسە دە بٸز بۇزباي ساقتاپ وتىرمىز. اۋىل قايتادان ورنىنا كەلەدٸ دەپ ويلايمىن. سەبەبٸ 150 جىلدىعى ٶتٸپ جاتقان احمەت بايتۇرسۇنوۆتىڭ اۋىلى ەكٸ رەت جابىلىپ, ەكٸ رەت قايتادان ورنىنا كەلگەن ەكەن», - دەدٸ سافۋان شايمەردەنوۆتىڭ ۇلى, بەلگٸلٸ جۋرناليست سايىن شايمەردەن.
سافۋان شايمەردەنوۆتىڭ «بولاشاققا جول» اتتى العاشقى رومانى 1953 جىلى جارىق كٶردٸ. بۇل تۋىندى كەيٸن «ينەش» دەگەن اتاۋمەن ورىس تٸلٸنە اۋدارىلدى. «ٶمٸر نۇرى» اتتى پوۆەستەر تسيكلٸنە «مەزگٸل», «قارعاش», «ٶمٸر نۇرى», «يت اشۋى», «مەجنٷن تال» اتتى شىعارمالارى كٸرگەن. ولار شەتەل تٸلدەرٸنە ەلدەنەشە رەت اۋدارىلعان.
قالامگەردٸڭ ٶزٸ دە اۋدارمامەن اينالىستى. ر.تاگوردىڭ «كٷيرەۋ» رومانىنىڭ اۋدارماسى ٷشٸن 1984 جىلى قازاقستان جازۋشىلار وداعىنىڭ سىيلىعىن, «اعالاردىڭ الاقانى», «ەدەبي تولقىندار» اتتى كٸتاپتارى ٷشٸن 1988 جىلى رەسپۋبليكانىڭ اباي اتىنداعى مەملەكەتتٸك سىيلىقتى الدى.
«سافۋان شايمەردەنوۆ بٸزدٸڭ ۇلتتىق ەدەبيەتٸمٸزدٸ بيٸككە كٶتەرگەن كلاسسيٸگٸمٸز عانا ەمەس, ول ۇلتىمىزدىڭ ار-ۇياتىنا اينالعان ٷلكەن ازامات. ول بٸزدٸڭ قانشاما ۇرپاققا ٷلگٸ بولاتىن ٶنەگەلٸ ٸس تىندىرعان قايراتكەر. قازاق جازۋشىسى ەگەر مىقتى بولاتىن بولسا, كٶركەم ەدەبيەت ارقىلى ۇلتتى تەربيەلەۋ مٸندەتٸن عانا ەمەس, ول قايراتكەرلٸك مٸندەتتٸ دە اتقارادى. سول مٸندەتتٸڭ بيٸگٸنەن تابىلعان اعامىز كەشەگٸ جەلتوقساندا جاستاردى اراشالاپ, رەسپۋبليكانىڭ ەڭ بيٸگٸندە تۇرعان كٸسٸلەردٸڭ الدىندا ٶزٸنٸڭ وي تۇجىرىمدارىن ايتتى», - دەدٸ قر پرەزيدەنتٸنٸڭ كەڭەسشٸسٸ, ۇلتتىق عىلىم اكادەميياسىنىڭ اكادەميگٸ باۋىرجان وماروۆ.
1992 جىلى سافۋان شايمەردەنوۆ حالىق جازۋشىسى قۇرمەتتٸ اتاعىنا يە بولدى.
