قازاقستاندىق بەلگٸلٸ شاحماتشى دينارا سەدۋاقاسوۆا ٷندٸستاندا ٶتەتٸن دٷنيەجٷزٸلٸك شاحمات وليمپياداسىنا قاتىسپايتىن بولدى. بۇل تۋرالى ول ەلەۋمەتتٸك جەلٸدەگٸ پاراقشاسىندا جازدى, دەپ حابارلايدى "ۇلت اقپارات".
«وسى جازدا مەن ٷندٸستاندا ٶتەتٸن دٷنيەجٷزٸلٸك شاحمات وليمپياداسىنا قاتىسۋدان باس تارتۋ تۋرالى شەشٸم قابىلدادىم. بٸرقاتار مٸندەتتەمەلەرگە بايلانىستى جاۋاپتى شاراعا دايىندالا المادىم. دەگەنمەن الداعى جارىستارعا مٸندەتتٸ تٷردە قاتىسامىن دەگەن سەنٸمدەمٸن. بۇل ٷشٸن نەگٸزگٸ فاكتور - وقىتۋدىڭ تيٸستٸ دەڭگەيٸنە قاجەتتٸ بارلىق رەسۋرستىڭ جەتكٸلٸكتٸ مٶلشەرٸ», - دەپ جازدى ول Instagram-دا.
سونداي-اق, شاحماتشى جارىسقا قاتىساتىن سپورتشىلارعا سەتتٸلٸك تٸلەدٸ.
«ەرينە, بٷگٸن مەن بارشا قازاق سپورتشىلارىنا كٷش-قۋات, سەتتٸلٸك تٸلەيمٸن. ەرٸپتەستەرٸمنٸڭ ابىرويمەن ٶنەر كٶرسەتٸپ, جوعارى كەسٸبي شەبەرلٸكتەرٸن كٶرسەتە الاتىنىنا سەنٸمدٸمٸن», - دەيدٸ دينارا.
ەسكە سالايىق, بۇعان دەيٸن شاحماتتان قازاقستان ەيەلدەر قۇراماسىنىڭ جاتتىقتىرۋشىسى الەكساندر مويسەەنكو الداعى دٷنيەجٷزٸلٸك شاحمات وليمپياداسىندا كوماندا الدىندا ٷزدٸك ٷشتٸككە ەنۋ مٸندەتٸ تۇرعانىن ايتقان بولاتىن.
28 شٸلدە مەن 10 تامىز ارالىعىندا ٷندٸستاننىڭ چەنناي قالاسىندا شاحماتشىلاردىڭ 44-شٸ وليمپياداسى ٶتەدٸ.
