Almaty Arena سپورت كەشەنٸندە ٶتكەن بوكس كەشٸندە وتانداسىمىز سادريددين احمەدوۆ WBC Asia چەمپيونى اتاندى, دەپ حابارلايدى قازاقپارات تٸلشٸسٸ.
10 راۋندتىق كەزدەسۋدە سادريددينگە يندونەزييالىق دجون رۋبو قارسى شىققان بولاتىن. ول شارشى الاڭدا 23 جەكپە-جەك ٶتكٸزٸپ, 17-سٸندە جەڭٸسكە جەتٸپ, 9-ىن مەرزٸمٸنەن بۇرىن اياقتاعان, 5 رەت جەڭٸلٸستٸڭ اششى دەمٸن تاتقان مىقتى بوكسشىلاردىڭ بٸرٸ سانالادى.
العاشقى راۋند بوكسشىلاردىڭ اڭدىسۋىمەن ٶتتٸ دەسەك تە بولادى. الايدا, راۋند ورتاسىنا تامان سادريددين بٸرنەشە دجەب جاساپ, قارسىلاسى باسىن قورعانا باستاعان سەتٸندە ەكٸ بٷيرەگٸنەن, باۋىرىنان الما-كەزەك تٶمپەشتەپ الدى. ەكٸنشٸ راۋندتا دا قازاق بوكسشىسى سول قولىمەن دجەب جاساي وتىرىپ, قارسىلاسىنىڭ قورعانىسقا كٶشكەن مەزەتٸندە ەكٸ بٷيٸرٸنەن, قۇلاق-شەكەسٸنەن اۋىر سوققىلار جۇمساۋعا تىرىسىپ باقتى. سادريددين ٷشٸنشٸ راۋندتا دا يندونەزييالىقتىڭ شابۋىل جاساۋىنا ەش مٷمكٸندٸك بەرمەدٸ. باۋىرىنان, بٷيٸرٸنەن سوققىلاپ, قارسىلاسى قارسى ۇمتىلعان كەزدە بٸرنەشە مەرتە اپپەركوت جاساپ ٷلگەرٸپ جاتتى.
تٶرتٸنشٸ راۋندتا سادريددين ۇرىس مەنەرٸن سەل ٶزگەرتٸپ, قارسىلاسىن تەك سول قولىمەن قۇلاق-شەكەدەن, ٸشتەن ۇرىپ, اپپەركوت جاساۋعا تىرىستى. دجون دا العا ۇمتىلىپ, سوققىلارىن دارىتقىسى كەلدٸ. كەلەسٸ راۋندتا يندونەزييالىق قولىن وڭدى-سولدى سەرمەپ, العا ۇمتىلعانىمەن سادريدديننٸڭ كٷتٸپ الىپ, ۇرعان سوققىلارى وعان دەل تيە بەردٸ. التىنشا راۋندتا رۋبو وڭاي شاعىلاتىن «جاڭعاق» ەمەستٸگٸن تانىتتى. سادريدديننٸڭ بٸرنەشە اۋىر سوققىلارىنا تٶتەپ بەردٸ. جەتٸنشٸ راۋندتا قارسىلاسىنىڭ سوققىلارىنا قاراماستان العا ەنتەلەگەن رۋبو تٶزٸمدٸ ەكەنٸن كٶرسەتتٸ. ال قازاقستان بوكسشىسى قورعانا جٷرٸپ, وڭ, سول قولىمەن قارسىلاسىنىڭ باۋىرىنان اۋىر سوققى جۇمساپ ٷلگەردٸ. قالعان راۋندتاردا دا سادريدديننٸڭ اۋىر سوققىلارى دەل تيگەنٸمەن, رۋبو لايىقتى قارسىلىق تانىتا بٸلدٸ. سونىمەن, 10 راۋندتىڭ قورىتىندىسىندا ۇپاي سانىمەن قازاقستان بوكسشىسى جەڭٸسكە جەتٸپ, WBC Asia تيتۋلىن جەڭٸپ الدى.
«قازاق ەلٸ ٷشٸن» دەگەن سوڭ بۇل كەزدەسۋگە كەلٸسٸم بەردٸك. 10 راۋند ٶتكٸزەيٸك دەپ كەلٸسكەن ەدٸك. سوندىقتان سٸزدەرگە نوكاۋت كٶرسەتە الماعانىم ٷشٸن كەشٸرٸم سۇرايمىن. ەندٸ قازاق ەلٸنٸڭ كٶڭٸلٸن تٷسٸرگەن كانەلوعا قارسى دايىندالىپ جاتىرمىز. گەنناديي اعامىزدىڭ كانەلوعا كەتكەن ەسەسٸن قايتارامىز», - دەدٸ جەكپە-جەكتەن كەيٸن سٶز العان سادريددين احمەتوۆ.
ەسكە سالا كەتەيٸك, 26 قاڭتاردا كانادانىڭ مونرەال قالاسىندا ٶتكەن الدىڭعى جەكپە-جەگٸندە سادريددين مەكسيكالىق ابراحام حۋارەستٸ (13-2, 5كو) تٶرتٸنشٸ راۋندتا نوكاۋتقا جٸبەرٸپ, بٸرٸنشٸ ورتا سالماقتا جاستار اراسىنداعى WBC تۇجىرىمى بويىنشا ەلەم چەمپيونى اتانعان بولاتىن.
