قازاقستاندىق بوكسشىلار سادريددين احمەدوۆ (8-0, 7 كو) پەن نۇرزات سابىروۆ (9-0, 8 كو) كانادانىڭ تەتفور مينا قالاسىندا ٶتەتٸن بوكس كەشٸ قارساڭىندا سالماق ٶلشەدٸ, دەپ حابارلايدى Sports.kz.
سادريددين احمەدوۆتىڭ سالماعى - 158 فۋنت, ال ونىڭ قارسىلاسى, مەكسيكالىق دانيەل ۆەگا كوتا (14-3-1, 11 كو) تارازىدا 157 فۋنت تارتتى. العاشقى ورتا سالماقتاعى ليميت - 154 فۋنت, بٸراق تيتۋلدىق ەمەس ايقاس كەزٸندە سالماقتىڭ ارتىق-كەمدٸگٸ ەشتەڭە ەتپەيدٸ.
نۇرزات سابىروۆتىڭ جەكپە-جەك الدىنداعى سالماعى - 169,8 فۋنت. ماجارستاندىق بوكسشى لاسلو توت (7-0, 6 كو) 169 فۋنت شىقتى. سۋپەرورتا سالماقتاعى ليميت - 168 فۋنت. دەگەنمەن, مۇندا دا تيتۋلدىق جەكپە-جەك بولماعاندىقتان, سالماق اسىپ كەتٸپ نەمەسە كەم تٷسسە, وعان مەن بەرٸلمەيدٸ.
