سابانتوي قازاققا عانا ەمەس, تٷركٸ حالىقتارىندا تويلاناتىن مەيرام. ونىڭ ٸشٸندە تاتار, باشقۇرت, قازاق ۇلتىندا ەرەكشە ەسكەرٸلەدٸ. ال 90-جىلداردان باستاپ بۇل مەيرام تاتارستان رەسپۋبليكاسىندا مەملەكەتتٸك دەڭگەيدە تويلانادى. سونىڭ بٸردەن بٸر كٶرٸنٸسٸ قىزىلوردا وبلىستىق تاتار ەتنومەدەني بٸرلەستٸگٸنٸڭ ۇيىمداستىرۋىمەن دوستىق ٷيٸندە دەستٷرلٸ سابانتوي مەيرامى تويلاندى, - دەپ حابارلايدى «ۇلت اقپارات».
ەدەتتە سابانتوي ەگٸن بٸتٸك شىقسىن, جيىن-تەرٸم مول بولسىن دەگەن اق تٸلەكپەن جاسالاتىن ىرىم-جورالعى.
توي اياسىندا ارنايى ەن كەشٸ ۇيىمداستىرىلىپ, وعان شىم قالادان كەلگەن قوناقتار نايليا حۋزەەۆا, گۋلنۋر فايرۋزوۆا مۋزىكالىق ەن-شاشۋىن تارتۋ ەتتٸ. ٶز حالقىنىڭ ەرەكشە مەيرامىن كٶرگەن نايليا حۋزەەۆا ەرەكشە ەسەر العانىن ايتىپ, قۋانىشىن جەتكٸزدٸ.
«دوستىق ٷيٸنەن وسى مەيرامعا قاتىسىپ, ەن ايتۋ تۋرالى ۇسىنىس العاندا قۋانا قابىلدادىم. سەبەبٸ بٸزدٸڭ تاتار حالقىندا سابانتويدىڭ ورنى ەرەكشە. بالا كەزدەن ەكە-شەشەمە ەرٸپ جٷرٸپ, بۇل تويدىڭ ەرەكشەلٸگٸ مەن ماڭىزىن تٷسٸنٸپ ٶستٸم. سوندىقتاندا قىزىلوردا وبلىسىندا تۇراتىن تاتار حالقىن وسى اتالعان ەرەكشە مەيراممەن قۇتتىقتاۋ ارنايى ەن شاشۋىممەن كەلٸپ وتىرمىن», - دەدٸ جاس ەنشٸ نايليا حۋزەەۆا.
راسىندا تاتار ۇلتىندا بۇل تويدىڭ نەگٸزٸ سىنعان قۇمىرا بولىپ سانالادى. ال ونى سىندىرۋ قۇرمەتتٸ ادامدارعا ۇسىنىلادى. وسى ورايدا العى سٶز جەنە اتالمىش دەستٷردٸ جٷزەگە اسىرۋ وبلىستىق ٸشكٸ ساياسات باسقارماسىنىڭ باسشىسى ميرا قازبەكوۆاعا بەرٸلدٸ.
«تەۋەلسٸزدٸكپەن بٸرگە شاڭىراق كٶتەرگەن وبلىستىق تاتار ەتنومەدەني بٸرلەستٸگٸ اتالعان جىلدار ٸشٸندە ەلٸمٸزدٸڭ ٶسٸپ-ٶركەندەۋٸنە ٶز ٷلەسٸن قوسىپ كەلەدٸ. ولاردىڭ بەلسەندٸلەرٸ ٷنەمٸ باس قوسىپ, مەدەني سالت-دەستٷردٸ جاڭعىرتۋعا اتسالىسىپ, بابادان قالعان باي مۇرالارىن ساقتاپ قالۋعا تىرىسىپ كەلەدٸ. بٷگٸن مٸنە, باۋىرمالدىق, جومارتتىق پەن قايىرىمدىلىق قاسيەتتەرٸن ايشىقتايتىن سابانتوي مەرەكەسٸندە جينالىپ وتىرمىز. بارشاڭىزدى ەڭبەك پەن بەرەكە, بٸرلٸكتٸڭ نەگٸزٸنە اينالعان ايتۋلى مەرەكەمەن شىن جٷرەكتەن قۇتتىقتايمىن»,- دەدٸ ميرا قازبەكوۆا.
مەيرام اياسىندا مەيماندارعا تاتار ەتنوسىنىڭ ۇلتتىق تاعامى «چاك-چاك» تاراتىلدى. ۇلتتىق ويىندارمەن قاتار, سپورت كەشەنٸندە ۇلتتىق سايىس تٷرلەرٸ ارملەستلينگ, «تاتارچا كۋرەش» كٷرەسٸ, گٸر كٶتەرۋ سايىستارى ٶتتٸ.
«ۇلتتىق سپورت تٷرلەرٸن ۇيىمداستىرۋداعى ماقسات جاستاردىڭ سالاۋاتتى ٶمٸر سالتىنا دەگەن قىزىعۋشىلىعىن ارتتىرۋ بولاتىن. سابانتوي بٸزدٸڭ حالىق تا عانا ەمەس, تٷركٸ حالىقتارىنىڭ اراسىندا ەرەكشە اتالىپ ٶتٸلەتٸن ەرەكشە مەيرام. بۇل مەيرامنىڭ كٷزدە, ەگٸستٸك ناۋقانىنا تٸكەلەي بايلانىستى. بيىل ەگٸن مول بولسىن, قۋاڭشىلىق بولماسىن, حالقىمىزدىڭ كٶڭٸلٸ دە, قارنى دا توق بولسىن دەپ ىرىمدادىق», - دەيدٸ قىزىلوردا وبلىستىق دوستىق ٷيٸنٸڭ تاتار بٸرلەستٸگٸنڭ ٶكٸلدەرٸ.
