Sabantoi qazaqqa ǵana emes, túrki halyqtarynda toilanatyn meiram. Onyń ishinde tatar, bashqurt, qazaq ultynda erekshe eskeriledi. Al 90-jyldardan bastap bul meiram Tatarstan Respýblikasynda memlekettik deńgeide toilanady. Sonyń birden bir kórinisi Qyzylorda oblystyq tatar etnomádeni birlestiginiń uiymdastyrýymen Dostyq úiinde dástúrli Sabantoi meiramy toilandy, - dep habarlaidy «Ult aqparat».
Ádette sabantoi egin bitik shyqsyn, jiyn-terim mol bolsyn degen aq tilekpen jasalatyn yrym-joralǵy.
Toi aiasynda arnaiy án keshi uiymdastyrylyp, oǵan Shym qaladan kelgen qonaqtar Nailia Hýzeeva, Gýlnýr Fairýzova mýzykalyq án-shashýyn tartý etti. Óz halqynyń erekshe meiramyn kórgen Nailia Hýzeeva erekshe áser alǵanyn aityp, qýanyshyn jetkizdi.
«Dostyq úiinen osy meiramǵa qatysyp, án aitý týraly usynys alǵanda qýana qabyldadym. Sebebi bizdiń tatar halqynda Sabantoidyń orny erekshe. Bala kezden áke-shesheme erip júrip, bul toidyń ereksheligi men mańyzyn túsinip óstim. Sondyqtanda Qyzylorda oblysynda turatyn tatar halqyn osy atalǵan erekshe meirammen quttyqtaý arnaiy án shashýymmen kelip otyrmyn», - dedi jas ánshi Nailia Hýzeeva.
Rasynda tatar ultynda bul toidyń negizi synǵan qumyra bolyp sanalady. Al ony syndyrý qurmetti adamdarǵa usynylady. Osy oraida alǵy sóz jáne atalmysh dástúrdi júzege asyrý oblystyq ishki saiasat basqarmasynyń basshysy Mira Qazbekovaǵa berildi.
«Táýelsizdikpen birge shańyraq kótergen oblystyq tatar etnomádeni birlestigi atalǵan jyldar ishinde elimizdiń ósip-órkendeýine óz úlesin qosyp keledi. Olardyń belsendileri únemi bas qosyp, mádeni salt-dástúrdi jańǵyrtýǵa atsalysyp, babadan qalǵan bai muralaryn saqtap qalýǵa tyrysyp keledi. Búgin mine, baýyrmaldyq, jomarttyq pen qaiyrymdylyq qasietterin aishyqtaityn Sabantoi merekesinde jinalyp otyrmyz. Barshańyzdy eńbek pen bereke, birliktiń negizine ainalǵan aitýly merekemen shyn júrekten quttyqtaimyn»,- dedi Mira Qazbekova.
Meiram aiasynda meimandarǵa tatar etnosynyń ulttyq taǵamy «chak-chak» taratyldy. Ulttyq oiyndarmen qatar, sport kesheninde ulttyq saiys túrleri armlestling, «tatarcha kýrásh» kúresi, gir kóterý saiystary ótti.
«Ulttyq sport túrlerin uiymdastyrýdaǵy maqsat jastardyń salaýatty ómir saltyna degen qyzyǵýshylyǵyn arttyrý bolatyn. Sabantoi bizdiń halyq ta ǵana emes, túrki halyqtarynyń arasynda erekshe atalyp ótiletin erekshe meiram. Bul meiramnyń kúzde, egistik naýqanyna tikelei bailanysty. Biyl egin mol bolsyn, qýańshylyq bolmasyn, halqymyzdyń kóńili de, qarny da toq bolsyn dep yrymdadyq», - deidi Qyzylorda oblystyq Dostyq úiiniń Tatar birlestiginń ókilderi.
