لوندون قالاسىندا ٶتٸپ جاتقان ۋيمبلدون تۋرنيرٸنٸڭ جارتىلاي فينالىنا شىققان قازاقستاندىق تەننيسشٸ ەلەنا رىباكينا قوماقتى سىياقىعا دا قول جەتكٸزدٸ, دەپ جازادى "ۇلت اقپارات" Vesti.kz پورتالىنا سٸلتەمە جاساپ.
23 جاستاعى رىباكينا ٷلكەن دۋلىعا ساناتىنداعى تۋرنيردٸڭ جارتىلاي فينالىنا بٸرٸنشٸ رەت شىقتى. كەشە وتانداسىمىز ايلا تومليانوۆيچتەن ايلاسىن اسىرعان بولاتىن. وسىلايشا, ول 535 فۋنت (298 ميلليون تەڭگە) شاماسىندا سىياقىعا يە بولدى.
ەندٸ قازاقستاندىق تەننيسشٸسٸ رۋمىن قىزى سيمونا حالەپتٸ جەڭٸپ, فينالعا شىقسا, سىياقىسىن ەكٸ ەسە, ياعني بٸر ميليون 50 فۋنتقا (585 ميلليون تەڭگە) دەيٸن كٶبەيتە الادى. ال چەمپيون بٸر ميلليون فۋنت (بٸر ميلليارد تەڭگەدەن كٶپ) سىياقىعا يە بولماق.
ايتا كەتەيٸك, رىباكينا مەن حالەپ اراسىنداعى جارتىلاي فينال بٷگٸن, 7 شٸلدەدە نۇر-سۇلتان ۋاقىتىمەن 20:00-دە باستالادى.
