قازاقستاندىق تەننيسشٸ, ۋيمبلدون جەڭٸمپازى ەلەنا رىباكينا قازاقستان تەننيس فەدەراتسيياسى ۇسىنعان سىياقىدان نەلٸكتەن باس تارتقانىن ايتتى, دەپ حابارلايدى قازاقپارات.
«ماعان بۇعان دەيٸن دە كٶمەكتەستٸ, كٶمەكتەسٸپ تە جاتىر. ەندٸ مەنٸڭ كەزەگٸم كەلدٸ دەپ ويلايمىن, ياعني العىسىمدى سٶزبەن عانا ەمەس, ٸسپەن دەلەلدەيتٸن ۋاقىت كەلدٸ. مەنٸڭ جەڭٸسٸم بارشاعا ورتاق. جەڭٸس مۇنىمەن بٸتپەيدٸ, الدا تاعى جەڭٸستٸ سەتتەر كٷتٸپ تۇر دەپ ٷمٸتتەنەمٸن. تيٸسٸنشە قايىرىمدىلىق جاساۋ دا جالعاسىن تابادى. سوندىقتان اقىلداسا كەلە, سىياقىنى قايىرىمدىلىققا جۇمساۋ تۋرالى شەشٸم قابىلدادىق», - دەدٸ ەلەنا رىباكينا ەلوردادا ٶتكەن باسپاسٶز مەسليحاتىندا.
تانىمال تەننيسشٸ بالا كٷنٸندە كەسٸبي سپورتشى بولامىن دەگەن ماقسات قويماعان.
«تەننيستٸ بالا كەزٸمدە كەسٸبي سپورتشى بولامىن دەپ ويناعان جوقپىن. ول كەزدە مەن ٷشٸن تەننيس ويناۋ مەكتەپتەن كەيٸن ۋاقىت ٶتكٸزۋدٸڭ قۇرالى بولدى. اتام-انام كەسٸبي تەننيسشٸ بولۋىم ٷشٸن ماعان قارجى قۇيعان ەمەس. بۇل جاعىنان ەرٸك ٶزٸمدە بولدى. تەننيسپەن ٶزٸمە ۇناعاندىقتان اينالىستىم», - دەيدٸ ول.
ەسكە سالساق, ۋيمبلدون چەمپيونى ەلەنا رىباكينا تۋرنيردەگٸ جەڭٸسٸ ٷشٸن بەرٸلەتٸن قازاقستان تەننيس فەدەراتسيياسىنىڭ سىياقىسىن الۋدان باس تارتقان ەدٸ.
