Qazaqstandyq tennisshi, Ýimbldon jeńimpazy Elena Rybakina Qazaqstan tennis federatsiiasy usynǵan syiaqydan nelikten bas tartqanyn aitty, dep habarlaidy QazAqparat.
«Maǵan buǵan deiin de kómektesti, kómektesip te jatyr. Endi meniń kezegim keldi dep oilaimyn, iaǵni alǵysymdy sózben ǵana emes, ispen dáleldeitin ýaqyt keldi. Meniń jeńisim barshaǵa ortaq. Jeńis munymen bitpeidi, alda taǵy jeńisti sátter kútip tur dep úmittenemin. Tiisinshe qaiyrymdylyq jasaý da jalǵasyn tabady. Sondyqtan aqyldasa kele, syiaqyny qaiyrymdylyqqa jumsaý týraly sheshim qabyldadyq», - dedi Elena Rybakina elordada ótken baspasóz máslihatynda.
Tanymal tennisshi bala kúninde kásibi sportshy bolamyn degen maqsat qoimaǵan.
«Tennisti bala kezimde kásibi sportshy bolamyn dep oinaǵan joqpyn. Ol kezde men úshin tennis oinaý mektepten keiin ýaqyt ótkizýdiń quraly boldy. Atam-anam kásibi tennisshi bolýym úshin maǵan qarjy quiǵan emes. Bul jaǵynan erik ózimde boldy. Tennispen ózime unaǵandyqtan ainalystym», - deidi ol.
Eske salsaq, Ýimbldon chempiony Elena Rybakina týrnirdegi jeńisi úshin beriletin Qazaqstan tennis federatsiiasynyń syiaqysyn alýdan bas tartqan edi.
