رۋدنىيدا كوللەدج اسحاناسىنىڭ ٷش قىزمەتكەرٸنەن پاتوگەندٸ ستافيلوكوكك انىقتالدى, دەپ حابارلادى Sputnik قازاقستان سانيتارييالىق-ەپيدەميولوگييالىق باقىلاۋ كوميتەتٸنە سٸلتەمە جاساپ.
قوستاناي وبلىسىندا 20-21 سەۋٸر ارالىعىندا رۋدنىي تاۋ-كەن-تەحنولوگييالىق كوللەدجٸنٸڭ 14 ستۋدەنتٸ تاماقتان ۋلانىپ, جۇقپالى اۋرۋلار بٶلٸمٸنە جاتقىزىلدى.
"بۇل دەرەك بويىنشا دەپارتامەنت پەن اۋماقتىق سانيتارييالىق-ەپيدەميولوگييالىق باقىلاۋ باسقارماسىنىڭ ماماندارى قىلمىستىق ٸس قوزعادى. كەسٸپكەرلٸك سۋبەكتٸسٸ جالعا العان كوللەدج اسحاناسىنا جوسپاردان تىس تەكسەرۋ جٷرگٸزٸلدٸ", - دەلٸنگەن اقپاراتتا.
اۋرۋحاناعا جاتقىزىلعان ستۋدەنتتەردەن پاتوگەندٸ التىن ستافيلوكوكك انىقتالدى. ەپيدەميولوگييالىق تەكسەرۋ بارىسىندا ناۋقاستاردىڭ جٷرەك اينۋ, قۇسۋ سەكٸلدٸ بەلگٸلەرٸ كوللەدج اسحاناسىندا تاماققا بايلانىستى ەكەنٸ بەلگٸلٸ بولدى. ولاردىڭ جاعدايى قالىپتى, اۋرۋحانادان شىعارىلىپ, دەرٸگەرلەر باقىلاۋىنا الىندى.
ال اسحانانىڭ ٷش قىزمەتكەرٸ پاتوگەندٸ ستافيلوكوكك تاسىمالداۋشىسى بولۋى مٷمكٸن. سونداي-اق تەكسەرۋ بارىسىندا سانيتارلىق ەرەجەلەردٸ بۇزۋ فاكتٸلەرٸ انىقتالدى. تاماق ٶنٸمدەرٸ ساپاسى مەن قاۋٸپسٸزدٸگٸن راستايتىن قۇجاتسىز پايدالانىلىپ, ساقتاۋ شارتى مەن پٸسٸرۋ تەحنولوگيياسى بۇزىلعان. تەكسەرۋ نەتيجەلەرٸ بويىنشا قولدانىستاعى زاڭناماعا سەيكەس شارالار قابىلدانادى.
