تٶتەنشە جاعدايلار مينيسترلٸگٸندە «قۇس تۇماۋىنىڭ تارالۋ جاعدايى تۋرالى» كٷن تەرتٸبٸمەن تٶتەنشە جاعدايلاردىڭ الدىن الۋ جەنە جويۋ جٶنٸندەگٸ ۆەدومستۆوارالىق مەملەكەتتٸك كوميسسييانىڭ وتىرىسى ٶتكٸزٸلدٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
پرەمەر-مينيستردٸڭ ورىنباسارى رومان سكلياردىڭ باسشىلىعىمەن جەنە مينيستر يۋريي يليننٸڭ تٶراعالىعىمەن ٶتكەن بەينەسەلەكتورلىق رەجيمدەگٸ وتىرىسقا مەملەكەتتٸك ورگانداردىڭ باسشىلارى, وبلىستار, نۇر-سۇلتان, الماتى جەنە شىمكەنت قالالارى ەكٸمدەرٸنٸڭ ورىنباسارلارى, تٶتەنشە جاعدايلار دەپارتامەنتتەرٸنٸڭ باستىقتارى قاتىستى.
جەتەكشٸلٸك ەتەتٸن باعىتتار بويىنشا جۇمىس تۋرالى اۋىل شارۋاشىلىعى, دەنساۋلىق ساقتاۋ مينيسترلٸكتەرٸ باسشىلارىنىڭ ورىنباسارلارى سٶز سٶيلەپ, حالىق اراسىندا قۇس تۇماۋىن تاراتپاۋ جٶنٸندە قابىلدانىپ جاتقان شارالار تۋرالى باياندادى.سونداي-اق بٸرقاتار وبلىس ەكٸمدەرٸنٸڭ ورىنباسارلارىنىڭ بايانداماسى تىڭدالدى.
اشم ۆەتەرينارلىق باقىلاۋ جەنە قاداعالاۋ كوميتەتٸنٸڭ دەرەكتەرٸ بويىنشا 9-29 قىركٷيەك ارالىعىندا 9 وبلىستىڭ 47 اۋدانىنىڭ جەنە رەسپۋبليكالىق ماڭىزى بار 1 قالانىڭ (اقمولا, اقتٶبە, جامبىل, قاراعاندى, قوستاناي, پاۆلودار, سقو, قىزىلوردا, تٷركٸستان, شىمكەنت قالالارى) 102 ەلدٸ مەكەنٸندە 576 841 قۇستىڭ قىرىلۋ فاكتٸسٸ تٸركەلدٸ, ونىڭ ٸشٸندە 24 289-ى جەكە ٷيدە جەنە 552 273-ٸ قۇس فابريكاسىندا بولعان.
ۆەتەرينارييا جٶنٸندەگٸ ۇلتتىق رەفەرەنتتٸك ورتالىقتىڭ دەرەكتەرٸ بويىنشا جوعارى پاتوگەندٸ قۇس تۇماۋىنىڭ كٶزٸ جەنە تاسىمالداۋشىسى سولتٷستٸكتەن وڭتٷستٸككە ۇشىپ بارا جاتقان جابايى قۇستار. بۇعان قىرىلعان جابايى قۇستاردى زەرتتەۋ نەتيجەلەرٸ دەلەل.
وتىرىس قورىتىندىسى بويىنشا پرەمەر-مينيستردٸڭ ورىنباسارى رومان سكليار مٷددەلٸ مەملەكەتتٸك ورگاندارعا قۇس تۇماۋىنىڭ تارالۋ سالدارىن بارىنشا ازايتۋ بويىنشا بارلىق الدىن الا شارالاردى قابىلداۋدى تاپسىردى. كوميسسييا وتىرىسىنىڭ سوڭىندا حاتتامالىق شەشٸم قابىلداندى.
