قر پرەمەر-مينيسترٸنٸڭ بٸرٸنشٸ ورىنباسارى رومان سكليار باتىس قازاقستان وبلىسىندا سۋ تاسقىنى سالدارىنان قالىپتاسقان جاعدايمەن تانىستى, دەپ حابارلايدى "ۇلت اقپارات".
جۇمىس ساپارى بارىسىندا باتىس قازاقستان وبلىسىنىڭ تەرەكتٸ, سىرىم جەنە قاراتٶبە اۋداندارىنداعى سۋ باسقان اۋماقتار ەۋەدەن باقىلانىپ, سونداي-اق ورال قالاسىنداعى سۋ تاسقىنى سالدارىنان قالىپتاسقان احۋال زەردەلەندٸ.
باتىس قازاقستان وبلىسىنىڭ ەكٸمٸ ناريمان تٶرەعاليەۆ رومان سكليارعا جٷرگٸزٸلٸپ جاتقان شارالار جٶنٸندە باياندادى. سۋ تاسقىنى جاعدايى مول تٷسكەن جاۋىن-شاشىن سالدارىنان كٷردەلەنٸپ وتىر. تٶرت اۋدان مەن وبلىس ورتالىعىندا جەرگٸلٸكتٸ ماسشتابتا تابيعي سيپاتتاعى تٶتەنشە جاعداي جارييالاندى, 874 ادام قۇتقارىلدى.
باتىس قازاقستان وبلىسىنداعى سۋ تاسقىنى زارداپتارىن جويۋ جۇمىستارىنا تجد جەكە قۇرامىنان, جەرگٸلٸكتٸ اتقارۋشى ورگانداردان, قورعانىس مينيسترلٸگٸ مەن ٸشكٸ ٸستەر مينيسترلٸگٸنەن 1168 ادام تارتىلدى. 306 بٸرلٸك تەحنيكا مەن 146 موتوپومپا جۇمىلدىرىلدى. سونىمەن قاتار №99250, №28237 ەسكەري بٶلٸمشەلەرٸنٸڭ كٷشٸ مەن قۇرال-جابدىقتارى جەنە ماڭعىستاۋ وبلىسىنىڭ تجد تارتىلدى. قوسىمشا ۇقك شەكارا قىزمەتٸنٸڭ ەكٸ «مي-8» تٸكۇشاعى جۇمىس ٸستەپ جاتىر.
ٶڭٸردە ارنايى قۇرىلعان كوميسسييا تابيعي اپاتتان كەلگەن شىعىندى ەسەپتەۋدٸ باستادى. رومان سكليار بارلىق باعىت بويىنشا سۋ تاسقىنىنا قارسى كٷرەستٸ كٷشەيتۋدٸ جەنە تۇرعىنداردىڭ قاۋٸپسٸزدٸگٸن بٸرٸنشٸ كەزەكتە قامتاماسىز ەتۋدٸ تاپسىردى. ٷكٸمەت تاراپىنان بارلىق قاجەتتٸ كٶمەك كٶرسەتٸلەدٸ.
