قر پرەمەر-مينيسترٸنٸڭ ورىنباسارى رومان سكليار ارىس قالاسىنداعى تۇرعىن ٷيلەر مەن نىسانداردى قالپىنا كەلتٸرۋ جۇمىستارىنىڭ بارىسىن تەكسەرٸپ, تٷركٸستان قالاسىنىڭ ەكٸمشٸلٸك, تاريحي-مەدەني, ەلەۋمەتتٸك ماڭىزداعى نىساندارىنىڭ قۇرىلىس الاڭدارىن ارالادى.
بۇل تۋرالى تٷركٸستان وبلىسى ەكٸمدٸگٸنٸڭ باسپاسٶز قىزمەتٸ حابارلايدى.
جۇمىسشى توپ تٷركٸستان وبلىسىنىڭ ەكٸمٸ ٶمٸرزاق شٶكەەۆپەن بٸرگە الدىمەن قايىرىمدىلىق قوردىڭ قاراجاتىنا سالىنعان تۇرمىسى تٶمەن وتباسىلارعا ارنالعان 50 ٷيدەن تۇراتىن جاڭا شاعىن اۋداننىڭ قۇرىلىس بارىسىمەن تانىستى.
جاڭا ٷيلەر اياقتالۋ ساتىسىندا تۇر, ٸشكٸ ەرلەۋ جۇمىستارى جەنە ٷي جابدىقتارىن ورناتۋ جۇمىستارى جٷرگٸزٸلۋدە. جاڭا قۇرىلىس الاڭىندا قاجەتتٸ ينفراقۇرىلىمنىڭ قۇرىلىسى قاتار جٷرگٸزٸلٸپ, الداعى ۋاقىتتا مۇندا مەكتەپ, بالاباقشا عيماراتتارىن تۇرعىزۋ كٶزدەلگەن. كەلەسٸ كەزەكتە ٷكٸمەت باسشىسىنىڭ ورىنباسارى نۇر-سۇلتان قالاسىنا بەكٸتٸلگەن 9-سەكتوردىڭ قۇرىلىس الاڭىن ارالاپ شىعىپ, قايتا سالىنعان جەكە ٷيلەرگە كٸرٸپ, ولاردىڭ يەلەرٸمەن ەڭگٸمەلەستٸ.
مۇندا باسىم بٶلٸگٸ جەر ٷيلەر مەن 50-دەن استام كٶپقاباتتى تۇرعىن ٷيلەردەن تۇراتىن 700-گە جۋىق نىسان بوي كٶتەرگەن. قۇرىلىسشىلارمەن كەزدەسكەن رومان سكليار نۇر-سۇلتان قالاسىنا بەكٸتٸلگەن قۇرىلىس قارقىنىن جىلدامداتۋدى, بەكٸتٸلگەن كەستەدەن كەشٸكپەي, قۇجاتتاندىرۋ جۇمىستارىن شۇعىل ارادا تولىقتاي ٶتكٸزۋدٸ تاپسىردى. جۇمىسشى توپ ارىس قالاسىندا جينالىس ٶتكٸزٸپ, قۇرىلىس بارىسى مەن ناقتى اتقارىلعان جۇمىس نەتيجەلەرٸن تالقىلادى. ارىستا بارلىعى 68 ەلەۋمەتتٸك نىسان ورنالاسقان (بٸلٸم بەرۋ, دەنساۋلىق ساقتاۋ جەنە سپورت مەكەمەلەرٸ), ولاردىڭ 64-ٸ – كٷردەلٸ جٶندەۋدٸ جەنە 4-ەۋٸ – تولىقتاي قالپىنا كەلتٸرۋدٸ تالاپ ەتتٸ.
سونداي-اق قر ٷكٸمەت باسشىسىنىڭ ورىنباسارى تٷركٸستان قالاسىنداعى قازانى قايناعان قۇرىلىس جۇمىستارىنىڭ بارىسىمەن تانىسىپ, ەكٸمدٸك, مەديا ورتالىق, «نۇر-سۇلتان» الاڭىن, تۇڭعىش پرەزيدەنت ساياباعى, حالىققا قىزمەت كٶرسەتۋ ورتالىعىنىڭ عيماراتىن, مۋزىكا مەكتەبٸن, سونىمەن قاتار اتتراكتسيوندارى بار قالالىق ساياباقتىڭ قۇرىلىس جۇمىستارىن ارالاپ كٶردٸ.
جۇمىس ساپارى بارىسىندا قر پرەمەر-مينيسترٸنٸڭ ورىنباسارى رومان سكليارعا تٷركٸستان قالاسىن سالۋدىڭ باس جوسپارى كٶرسەتٸلٸپ, جاڭادان بوي كٶتەرەتٸن مەدەني-رۋحاني ورتالىقتىڭ جوباسى تانىستىرىلدى. بٸرەگەي جوباعا اقش -ڭ SOM – (Skidmore, Owings and Merrill) ارحيتەكتۋرالىق بيۋروسى جۇمىلدىرىلعان. ەلەمدٸك دەڭگەيدەگٸ سەۋلەتتٸك بيۋروسى دٷنيەجٷزٸندەگٸ ەڭ بيٸك, قايتالانباس عيماراتتاردىڭ جوبالارىن جاساعان.
