پاريجدە «رولان گارروس» تۋرنيرٸنٸڭ جەرەبەسٸ تارتىلىپ, قازاقستاندىق تەننيسشٸلەردٸڭ قارسىلاستارى بەلگٸلٸ بولدى, دەپ حابارلايدى "ۇلت اقپارات".
ەيەلدەر اراسىندا قازاقستاننىڭ بٸرٸنشٸ, ەلەمنٸڭ 18-راكەتكاسى ەلەنا رىباكينا العاشقى اينالىمدا دٷنيەجٷزٸلٸك رەيتينگتە 83-ورىندا تۇرعان رۋمىنييالىق سورانا-ميحاەلا كىرستيامەن كەزدەسەدٸ.
فرانتسييا اشىق چەمپيوناتىنىڭ 14-راكەتكاسى بولىپ تٸركەلگەن ە.رىباكينا 21-دە بولسا, تەجٸريبەلٸ قارسىلاسى بيىل 30-عا تولدى.
ەلەمنٸڭ 27-راكەتكاسى, 25-تەگٸ يۋلييا پۋتينتسەۆا رەيتينگتە 79-ساتىداعى تاعى بٸر تٸسققان ويىنشى, 34 جاستاعى بەلگييالىق كيرستەن فليپكەنسپەن كورتقا شىعادى.
رەيتينگتە 76-ورىندا تۇرعان زارينا ديياس تۋنيس ەلٸنٸڭ جارىق جۇلدىزى, ەلەمنٸڭ 35-راكەتكاسى ونس جابەرمەن شەبەرلٸك بايقاسادى.
ەرلەر اراسىندا قازاقستاننىڭ بٸرٸنشٸ, ەلەمنٸڭ 56-راكەتكاسى الەكساندر بۋبليك پەن رەيتينگتە 87-ورىندا تۇرعان ميحايل كۋكۋشكينگە مىقتى تەننيسشٸلەر تاپ بولدى. ا.بۋبليك فرانتسييانىڭ باستى ٷمٸتٸ, ەلەمنٸڭ 9-راكەتكاسى گاەل مونفيسپەن, ال م.كۋكۋشكين رەيتينگتە 15-ورىندا تۇرعان يتالييالىق فابيو فونينيمەن ايقاسادى.
قازٸرگٸ كەزدە ٸرٸكتەۋ سايىستارى ٶتٸپ جاتقان «رولان گارروس» تۋرنيرٸ (جٷلدە قورى – 38 ملن ەۋرو) 11 قازاندا مەرەگە جەتەدٸ.
ٶتكەن جىلى ەرلەر اراسىندا يسپانييالىق رافاەل نادال چەمپيون اتانسا, ەيەلدەردەن اۋسترالييالىق ەشلي بارتي ٷزدٸك شىققان بولاتىن. بيىل ر.نادال سول اتاعىن ساقتاپ قالۋ ٷشٸن سىنعا تٷسەتٸن بولسا, ەلەمنٸڭ 1-راكەتكاسى ە.بارتي كوروناۆيرۋس ٸندەتٸنەن ساقتانىپ, ماۋسىمدى ەرتە اياقتاعاندىقتان, دوداعا قاتىسپايدى.
2019 جىلى قازاقستاندىقتار ونشا سەتتٸ ٶنەر كٶرسەتكەن جوق. ز.ديياس پەن ا.بۋبليك ەكٸنشٸ, ە.رىباكينا, يۋ.پۋتينتسەۆا جەنە م.كۋكۋشكين العاشقى اينالىمنان اسا المادى.
