ريو-دە-جانەيروداعى وليمپيادانىڭ سپورتتىق نىساندارى اراسىندا جٷرەتٸن جۋرناليستەر اۆتوبۋسىنا بەلگٸسٸز بٸرەۋلەر تاس لاقتىرعان, دەپ حابارلادى ۆۆس اگەنتتٸگٸ.
العاشىندا اۆتوبۋسقا اتىس قارۋىنان وق اتىلدى دەگەن حابار تارادى, بٸراق كەيٸنٸرەك بەلگٸسٸز بٸرەۋلەردٸڭ تاس اتقانى انىقتالدى. اۆتوبۋستىڭ ەكٸ تەرەزەسٸ سىندى, سالوندا بولعان كەيبٸر جۋرناليستەر جەڭٸل جاراقات العان.
«تارسىلداعان دىبىس شىقتى. اۆتوبۋس توقتاعان جوق, بٸراق جٷرٸسٸن تەجەدٸ. بەرٸمٸز ەدەنگە جاتىپ, قورعاندىق», - دەدٸ Press Association اقپارات اگەنتتٸگٸنٸڭ فوتوگرافى.
وقيعا ورنىنا كەلگەن پوليتسييا اۆتوبۋستى باسپاسٶز ورتالىعىنا دەيٸن شىعارىپ جەتكٸزٸپ سالدى.
حالىقارالىق وليمپيادالىق كوميتەتتٸڭ حابارلاۋىنشا, جەرگٸلٸكتٸ بيلٸك وقيعانى تەرگەۋدٸ باستادى.
ريوداعى وليمپيادا ويىندارى باستالماي تۇرىپ, قالالىق پوليتسييا وليمپيادا كەزٸندە تۋريستەر مەن شەتەلدٸكتەردٸ قوعامدىق قاۋٸپسٸزدٸكپەن قامتاماسىز ەتە المايمىز دەپ ەسكەرتكەن ەدٸ.
