Rio-de-Janeirodaǵy Olimpiadanyń sporttyq nysandary arasynda júretin jýrnalister avtobýsyna belgisiz bireýler tas laqtyrǵan, dep habarlady VVS agenttigi.
Alǵashynda avtobýsqa atys qarýynan oq atyldy degen habar tarady, biraq keiinirek belgisiz bireýlerdiń tas atqany anyqtaldy. Avtobýstyń eki terezesi syndy, salonda bolǵan keibir jýrnalister jeńil jaraqat alǵan.
«Tarsyldaǵan dybys shyqty. Avtobýs toqtaǵan joq, biraq júrisin tejedi. Bárimiz edenge jatyp, qorǵandyq», - dedi Press Association aqparat agenttiginiń fotografy.
Oqiǵa ornyna kelgen politsiia avtobýsty baspasóz ortalyǵyna deiin shyǵaryp jetkizip saldy.
Halyqaralyq olimpiadalyq komitettiń habarlaýynsha, jergilikti bilik oqiǵany tergeýdi bastady.
Riodaǵy Olimpiada oiyndary bastalmai turyp, qalalyq politsiia Olimpiada kezinde týrister men sheteldikterdi qoǵamdyq qaýipsizdikpen qamtamasyz ete almaimyz dep eskertken edi.
