© Photo : Pixabay / Thomas Hoang
ريددەردە جىلۋ ەلەكتر ستانتسيياسىندا قىسىمى جوعارى №6 قازاندىق تاعى ٸستەن شىقتى, دەپ حابارلايدى Sputnik قازاقستان اگەنتتٸگٸ Noks.kz سايتىنا سٸلتەمە جاساپ.
اتالعان قازاندىق كەشكە كەشكە ٸسكە قوسىلعان بولاتىن.
ريددەر تۇرعىندارىنىڭ قۋانىشى كٶپكە سوزىلمادى. 9 قاراشا كٷنٸ كەشكە ٸسكە قوسىلعان №6 قازاندىق تٷندە قايتا ٸستەمەي قالدى. تاڭعا قاراي ريددەرلٸكتەردٸڭ ٷيٸ تاعى سۋىتىپ كەتتٸ.
"قۇرمەتتٸ تۇرعىندار! تٷندە التىنشى قازاندىق جۇمىس ٸستەپ تۇردى. تەمپەراتۋرا 65 گرادۋسقا جەتتٸ. بٸراق تٷنگٸ ساعات بٸردە اپاتتى جاعدايعا بايلانىستى ول توقتاتىلدى", - دەدٸ ريددەر ەكٸمٸ دميتريي گوركوۆوي.
ايتۋىنشا, قازٸرگٸ تاڭدا ورتاشا قىسىمدى ٷش قازاندىق جۇمىس ٸستەپ تۇر. تەمپەراتۋرا 56/43 گرادۋس شاماسىندا. التىنشى قازاندىقتى جٶندەۋ جۇمىستارى باستالدى. جٶندەۋ اياقتالعان سوڭ, ول ٸسكە قوسىلادى.
قالا ەكٸمٸ تۇرعىنداردان بۇل جاعدايعا تٷسٸنٸستٸكپەن قاراۋدى ٶتٸندٸ.
بۇعان دەيٸن ريددەر باسشىسى التىنشى قازاندىق ٸسكە قوسىلار الدىندا جەس-تاعى جابدىقتىڭ جاي-كٷيٸ ناشار, كەز كەلگەن سەتتە ٸستەن شىعۋى مٷمكٸن ەكەنٸن ەسكەرتكەن بولاتىن.
ەسكە سالساق, 5 قاراشا كەشكە ريددەر جەس-تە كٷل شىعارۋ جٷيەسٸنٸڭ سورعىسى ٸستەن شىقتى. 1 قازاندىق اگرەگاتىنىڭ قوسالقى جابدىعى اپاتتى جاعدايدا توقتاتىلدى. سونىڭ سالدارىنان جىلۋ جٷيەسٸندەگٸ سۋدىڭ تەمپەراتۋراسى +30 گرادۋسقا دەيٸن تٶمەندەدٸ. ال قالىپتى تەمپەراتۋرا مٶلشەرٸ +70 بولۋى شارت. ريددەر قالاسىندا 22 مىڭنان استام ابونەنت جىلۋسىز قالدى.
اپاتتى جويۋ ٷشٸن شۇعىل شتاب قۇرىلدى. وعان وبلىس ەكٸمٸ جەتەكشٸلٸك ەتتٸ.
جىلۋ ستانتسيياسىنداعى تٶتەنشە جاعدايعا بايلانىستى 7-11 قاراشا ارالىعىندا مەكتەپ وقۋشىلارى قاشىقتىقتان وقىتۋ فورماتىنا كٶشٸرٸلدٸ.
شىعىس قازاقستان وبلىسىنىڭ ەكٸمٸ دانيال احمەتوۆ ريددەر جەو-نى قالانىڭ كوممۋنالدىق مەنشٸگٸنە قايتارۋ مەسەلەسٸ قاراستىرىلىپ جاتقانىن مەلٸمدەدٸ.
