سۋرەت: Tengrinews.kz
شىعىس قازاقستان وبلىسى ريددەر قالاسىنداعى جىلۋ ەلەكتر ورتالىعىنىڭ يەسٸ اۋىستى. بۇل تۋرالى ٷكٸمەت وتىرىسىنان كەيٸن تٸلشٸلەر سۇراعىنا جاۋاپ بەرگەن شقو ەكٸمٸ دانيال احمەتوۆ ايتتى, دەپ حابارلايدى قازاقپارات.
- جىلۋ ەلەكتر ورتالىعىنىڭ يەسٸ اۋىستى. بٷگٸن ساتىپ الۋ-ساتۋ شارتى جاسالىپ, قول قويىلدى. جەو-نىڭ جاڭا يەسٸمەن بٸرگە جۇمىس ٸستەۋدٸ باستاپ كەتتٸك. كەلٸسٸمگە سەيكەس, ول كومپانييا قىسقا ۋاقىت ٸشٸندە ورتالىققا كەم دەگەندە 7 ملرد تەڭگە ينۆەستيتسييا جاساي الاتىنىن بانكتٸك ەسەپشوتى ارقىلى كٶرسەتٸپ, دەلەلدەۋٸ كەرەك, - دەدٸ ول.
ايماق باسشىسىنىڭ ايتۋىنشا, بۇل قاراجات جەو-نى كٷردەلٸ جٶندەۋگە جۇمسالادى.
ەسكە سالساق, 26 قاڭتاردا ريددەردەگٸ جىلۋ ەلەكتر ورتالىعىنان ٶرت شىققان بولاتىن. بٸرنەشە ساعاتتىڭ ٸشٸندە قىزىل جالىن اۋىزدىقتالدى. كەيٸننەن جىلۋ ەلەكتر ورتالىعىنىڭ باسشىلىعىنا قاتىستى تەرگەۋ جٷرگٸزٸلٸپ جاتقانى حابارلاندى.
سونداي-اق دانيال احمەتوۆ ريددەر جىلۋ ەلەكتر ورتالىعىنداعى اقاۋلار مەن اپاتتاردان ٷيلەرٸ قايتا-قايتا سۋىپ كەتٸپ وتىرعان تۇرعىنداردان كەشٸرٸم سۇراعان ەدٸ.
