شىعىس قازاقستان وبلىسى ريددەر قالاسىندا ٶرتتەن زارداپ شەككەن وتباسىلار جاڭا ٷيلەرگە كٶشتٸ, دەپ حابارلايدى قازاقپارات.
شقو اقپارات ورتالىعىنىڭ مەلٸمەتٸنە سٷيەنسەن, جاڭا «بوتانيكا» شاعىن اۋدانىندا 32 ٷي سالىندى.
وسىدان ەكٸ جارىم اي بۇرىن ٷيٸ وتقا ورانعان ازاماتتار بٷگٸندە جاڭا باسپاناسىنىڭ كٸلتٸن الىپ وتىر.
«ٶڭٸردٸڭ قۇرىلىس كومپانييالارى ٷيلەردٸ قىسقا مەرزٸم ٸشٸندە سالىپ بٸتتٸ. ولاردىڭ ەرقايسىسىندا زاماناۋي جىلىتۋ پەشتەرٸ مەن اس ٷي گارنيتۋرالارى ورناتىلعان. بٸزگە كٶمەك كٶرسەتكەن بارلىق ادامعا ٷلكەن راحمەت ايتقىم كەلەدٸ», - دەيدٸ ورمان ٶرتٸنەن زارداپ شەككەندەردٸڭ بٸرٸ اننا يسەنەۆا.
قۇرىلىس كومپانييالارى بالالار مەن سپورت الاڭدارىن, ونىڭ ٸشٸندە فۋتبول الاڭىن دا سالعان. ورتالىق جارىقتاندىرۋ, ٷيلەرگە اسفالتتالعان جول جٷرگٸزٸلدٸ.
اۆتوبۋس ايالدامالارى دا ورناتىلدى. جاڭا شاعىن اۋدانعا ەكٸ كٶپبالالى وتباسى قونىستانعان.
شاعىن اۋداننىڭ قۇرىلىسى الداعى ۋاقىتتا دا جالعاسادى. جوسپار بويىنشا بيىل تاعى 110 ٷي سالۋ ٷشٸن ۋچاسكەلەر بٶلٸنبەك.
ەستەرٸڭٸزگە سالا كەتسەك, بيىلعى 10 مامىردا شقو-داعى ريددەر ورمان شارۋاشىلىعىندا ٶرت شىقتى. دالا ٶرتٸ 310 گەكتار اۋماقتى شارپىپ, 1 ادام قازا تاپتى.
مەملەكەت باسشىسى قاسىم-جومارت توقاەۆ ٷكٸمەت پەن شىعىس قازاقستان وبلىسىنىڭ ەكٸمدٸگٸ ٶرتتەن زارداپ شەككەن لەسحوز كەنتٸنٸڭ تۇرعىندارىنا كٶمەك كٶرسەتٸپ, باسپانامەن قامتاماسىز ەتۋدٸ تاپسىرعان بولاتىن.
