شىعىس قازاقستان وبلىسى ريددەر قالاسىندا بەسقاباتتى ٷيدەن ٶرت شىعىپ, 20 ادام, ونىڭ ٸشٸندە 5 بالا ەۆاكۋاتسييالاندى, دەپ حابارلايدى "ۇلت اقپارات".
شقو تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, 16 ماۋسىمدا قۇتقارۋشىلارعا كٶپقاباتتى تۇرعىن ٷيدەگٸ پەتەرلەردٸڭ بٸرٸ ٶرتەنٸپ جاتقانى تۋرالى حابار تٷسكەن.
ٶرت سٶندٸرۋشٸلەر وقيعا ورنىنا دەرەۋ جول تارتتى.
«بەلگٸلٸ بولعانداي, بەسٸنشٸ قاباتتا ورنالاسقان پەتەردە وت شىققان. قۇتقارۋشىلار جالىندى سٶندٸرۋگە كٸرٸسٸپ, پودەزدەن تۇرعىنداردى ەۆاكۋاتسييالادى. گاز-تٷتٸننەن قورعاۋ قىزمەتٸنٸڭ ماماندارى جالپى سانى 20 ادامدى, ونىڭ ٸشٸندە 5 بالانى قاۋٸپسٸز جەرگە كٶشٸردٸ», - دەپ حابارلادى ۆەدومستۆو ٶكٸلدەرٸ.
ٶرتتٸ بٸرٸنشٸ بولىپ بايقاپ قالعان پەتەر يەسٸنٸڭ اناسى قۇتقارۋشىلاردى شاقىرعان.
ول جالىن شارپىعان پەتەردەن 2 نەمەرەسٸن الىپ شىقتى.
«ٶرت سٶندٸرۋشٸلەر 13 شارشى مەتر اۋماقتى شارپىعان تٸلسٸز جاۋدى اۋىزدىقتادى. قىزىل جالىننىڭ شىعۋىنا – توڭازىتقىشتىڭ اپاتتىق رەجيمٸ سەبەپ بولعان. قازا بولعاندار مەن زارداپ شەككەندەر جوق», - دەلٸنگەن اقپاراتتا.
